Omulangirizi 6:6 - Baibuli Ekibono kya Katonda 2014

⁶ atafunie isanhu mu bulamu bwe waire ng'aba aghangaire emyaka enkumi eibiri (2,000), kuba era bombi baja mu kifo kirala ekyo.

Omulangirizi 6:6 ပူးပေါင်းရင်းမြစ်များ

Amainhama 5:5

yaafa ng'agheza emyaka lwenda n'asatu (930) egy'obukulu.

Yobu 1:21

Yaakoba ati: “Mu nda ya maama navaamu nga ndi bwereere, era ndifa nga ndi bwereere. Musengwa Katonda n'eyampa ebyo, era Musengwa Katonda oyo n'atoiregho kale asaakibwe.”

Yobu 30:23

Bwenebwene ndidhi nti oli kuntwala magombe, mu kifo erija abalamu boonaboona.

Yobu 7:7

Wo Katonda wange, idhukira nti obulamu bwange muuka buuka, tiriirayo kufuna isanhu.

Zabbuli 34:12

Naani oyo ayenda okufuna obulamu, era eyeegomba okughangaala nga musangaavu?

Omulangirizi 12:7

Olwo ng'omubiri gwira mu itaka mwe gwava, n'omwoyo nga gwirayo ye Katonda eyagukugha.

Omulangirizi 2:14

Omuntu omugezi atambula ng'abona y'aja, aye omusiru atambula ng'oti ali mu nzikiiza. Aye ate nazuula nti ekija okutuuka ku musiru, n'ekija okutuuka ni ku mugezi.

Omulangirizi 3:20

Ekifo abantu ye baja, n'ensolo ye dhija: bava mu nkungu era kabiri baira mu nkungu, n'ensolo dhityo.

Omulangirizi 6:3

Omuntu asobola okuzaala abaana ekikumi, era yaaghangaala emyaka kamaala. Aye ni bw'aghangaala einho, bw'aba nga tafunie isanhu mu bulamu bwe era nga taziikiibwa bukalamu, nze nkoba nti omwana azaalibwa nga mufu asinga omuntu oyo;

Omulangirizi 6:5

Tabona ku ndhuba waire okumanha ekintu kyonakyona, aye awuumula okusinga omuntu ole,

Omulangirizi 7:2

Okuja mu ndhu omuli okulira omufu, kusinga okuja omuli embaga; kuba okufa n'enkomerero ya buli muntu, era abalamu bagwaine okukirowoozangaku.

Omulangirizi 9:2

kuba enkomerero y'abantu boonaboona eri ndala, ka babe abatuufu oba ababi, abalungi oba aboonooni, abalongoofu oba abatali balongoofu, abaghaayo emisengo oba abataghaayo misengo. Omuntu omulungi n'ole atali mulungi, bombi bafaanana. N'omuntu alayira n'ole atalayira, boona bafaanana.

Isaia 65:20

Abaana baliba tibakaafa nga bato, era abantu boonaboona balighangaalanga emyaka gyaibwe emiidhuvu. Abo abalighangaalanga emyaka ekikumi, balibalirwanga mu bato. Era ole okufa nga tagigheziiza, kalibanga kamanhiso ka kukolimirwa.

Isaia 65:22

Ole talizimba ndhu, kabiri omuntu wundi n'agibaamu. Era ole talisimba kintu, kabiri owundi n'akirya. Ng'emiti bwe gighangaala emyaka kamaala, n'abantu bange batyo bwe balighangaala. Abantu bange abo be nalondamu, balirwagho nga bakaalya ku bintu byaibwe bye baafaabiikanira.

Yeremia 17:6

Omuntu oyo aba ng'oti muti oguli mu irungu, ogukulira eyo enkalu ku itaka ery'oluunhu, ezira kintu kindi kisobola kukulirayo. Omuntu oyo azira kikalamu ky'afuna naire.

Abaheburayi 9:27

Era nga buli muntu bw'ali n'okufa omukuzi omulala, era ng'amaze okufa n'asalirwa omusango,