Omulangirizi 6:12 - Baibuli Ekibono kya Katonda 2014

¹² Bwenebwene naani aidhi omuntu ky'agwaniire okufuna mu bulamu bwe obumpi butyo obuziramu muganhulo, era obubitagho obubite ng'oti kinsense? Era naani asobola okukobera omuntu ebiribaagho ku nsi, ng'omuntu oyo aviiregho?

Omulangirizi 6:12 ပူးပေါင်းရင်းမြစ်များ

1 Ebyomubyanda 29:15

Wo Musengwa Katonda, okiidhi bukalamu nga ku nsi kuno ife tuli ng'abatamanhiibwa y'oli, tuli basenze busenze abali mu lugendo, nga badhaadha baife boonaboona bwe baali. Enaku dhaife edh'oku nsi dhibitagho bubite ng'oti kinsense, tidhiraalagho naire.

Yobu 14:2

Omuntu akula yaaniala ng'oti kimuli, era yaabulagho yaaweekereragho ng'oti kinsense.

Yobu 14:21

Batabane be bwe batuuka ku kitiibwa, ebyo tabimanha; ni bwe batoolebwa ku kitiibwa, ebyo tabibona.

Yobu 8:9

Kuba obulamu bwaife bumpi, tuzira kye twidhi; enaku dhe tumala ku nsi, dhiri ng'oti kinsense ekibita obubite.

Zabbuli 102:11

Obulamu bwange buwaagho ng'oti n'ekinsense ekyeigulo ng'endhuba egwire. Ndi ng'oti isubi erikala ni liwaagho.

Zabbuli 109:23

Ndi kuwaagho ng'oti n'ekinsense ekyeigulo ng'endhuba egwire, era baamansulira bw'ere ng'oti nzige.

Zabbuli 144:4

Omuntu ali ng'oti muuka buuka gwa mu nhindo; enaku edh'obulamu bwe dhiri ng'oti kinsense ekibita obubite.

Zabbuli 16:5

Musengwa Katonda n'ekirungi kyonka kye ndi nakyo, oyo n'ekikopo ekyantegekerwa okunhwa, era obulamu bwange buli mu ngalo dhe.

Zabbuli 17:15

Aye nze ndidha kulingiriranga amaiso go, kuba nziraku musango. Buli lwe nnaazuukanga ndidha kubanga musangaavu okukubona nga bw'oli.

Zabbuli 4:6

Abantu kamaala bakoba bati: “Wo! Tugwana twafuna bikalamu byereere! Wo Musengwa Katonda, tulingeku n'amaiso ag'ekisa!”

Zabbuli 47:4

Yatulondera ensi mwe tuli, mwe twesiimira ife abantu be b'agonza.

Zabbuli 89:47

Wo Musengwa Katonda, idhukira obulamu bwange nga bwe buli obumpi! Obulamu obw'abantu boonaboona muzira muganhulo!

Omulangirizi 10:14

Omusiru afukumula ebibono ebitawa. Ghazira muntu aidhi biri kwidha, era ghazira asobola kukobera muntu biribaagho ng'omuntu oyo aviiregho.

Omulangirizi 12:13

Byonabyona bye nkobye obiwuliire. Kale ni tyanga Katonda era ogemenga amateeka ge, kuba eyo n'ensonga eyatondesa omuntu.

Omulangirizi 2:24

Omuntu kye yandikoze ekisinga, kyandibaire kulya, na kunhwa, na kweyagalira mu ebyo by'aba afunie mu kufaabiikana kwe. Aye ekyo kyona nabona nga kiri mu buyinza bwa Katonda

Omulangirizi 2:3

Naanoonereza inho n'amagezi, naalowooza ku ky'okwesanhusa nga nhwa omwenge gw'emizabbibu, mbe ng'omusiru bw'akola. Nga nkoba nti oba katyo, ekyo abantu kye bagwaine okukola ku nsi mu nnaku entono edho, dhe bamala ku nsi nga balamu.

Omulangirizi 3:22

Kale naabona ng'omuntu kye yandikoze ekisinga, kyandibaire kya kweyagalira mu ebyo by'akoze. Ogwo nga n'omugabo gwe. Kuba naani asobola okumwiza okubona ebija okubaagho nga mwene amaze okufa?

Omulangirizi 6:11

Omuntu y'akoma okwogera ebingi, ni by'ayogera ye bikoma obutabaamu makulu. Kale ekyo omuntu kimugasa ki?

Omulangirizi 7:15

Mu bulamu bwange buno obuziramu muganhulo, mboine ebintu kamaala: Mbona abantu abakola ebituufu nga bafa mangu, waire nga bantu balungi ate naabona abakozi b'ebibi nga baaghangaala, waire nga boonooni.

Omulangirizi 8:13

Aye aboonooni tibaidha kubanga bukalamu, era obulamu bwaibwe bwidha kubanga bumpi ng'oti n'ekinsense bwe kitalwagho, kuba tibatya Katonda.

Omulangirizi 8:7

Omuntu tamanha kija kubaagho, era ghazira asobola kumukobera bwe kija kuba.

Omulangirizi 9:6

Baba tibakaali na kugonza, oba okukyagha, waire okwegomba byonabyona biba byawaagho ira, era nga tibakaasobola kukola kintu kyonakyona ekikolebwa ku nsi.

Omulangirizi 9:9

Sanhukiranga mu bulamu buno ni mukazi wo y'ogonza, enaku dhoonadhoona edh'obulamu bwo buno obuziramu muganhulo. Ogwo n'omugabo gwo Katonda gw'akugha mu kufaabiikana kwo ku nsi.

Mika 6:8

Busa, Musengwa Katonda yatukobera ekikalamu kye tube tukole, era ni kino: Ayenda tukolenga ebintu mu butuufu, twolekenga okugonza okutakoma, era tumusinzenga nga tuli bawombeefu.

Yakobo 4:14

ng'ate timwidhi bya nkyo. Aye obulamu bwaimwe mwidhi bwe buli? Buli ng'oti lufu bufu olubaaghooku akaseera obuseera ate ni luwaagho.