Omulangirizi 6:10 - Baibuli Ekibono kya Katonda 2014

¹⁰ Buli kintu ekirigho, kyamala ira okutuumibwa eriina. N'omuntu ekikula kye kimanhiibwa: tasobola kutakana n'oyo amusinga maani.

Omulangirizi 6:10 ပူးပေါင်းရင်းမြစ်များ

Amainhama 3:9

Aye Musengwa Katonda yaayeta omusaadha yaamubuuza ati: “Oli gha?”

Yobu 33:13

Ku lwaki omuvunaana olw'obutakwiramu by'okoba?

Yobu 40:2

“Onsonsooniiza wanvunaana, mpegaano obwo tondhiremu, onaasirika busirike?”

Yobu 9:32

Kuba ngoli Katonda abaire muntu buntu nga nze, nandimwizeemu, naawoza naye.

Zabbuli 103:15

Enaku edh'obulamu bw'omuntu ntono ng'oti n'eisubi lye dhimala. Omuntu akula bukalamu yaagimuka ng'oti kimuli kya mu nsiko,

Zabbuli 39:6

Buli muntu ali ng'oti kinsense! Atawuka, yaazunga, aye nga byonabyona bya bwereere. Omuntu atakabana okufuna eby'obukombe, aye nga taidhi aja kubitwala.

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Omulangirizi 3:15

Ebintu ebirigho buti byalighooku, n'ebyo ebija okubaagho byaligho ira. Katonda alagira ebyo ebyalighooku, kabiri byairamu okubaagho.

Omulangirizi 6:11

Omuntu y'akoma okwogera ebingi, ni by'ayogera ye bikoma obutabaamu makulu. Kale ekyo omuntu kimugasa ki?

Yeremia 49:19

Ng'empologoma bw'evaayo mu kibira ekizibirivu ekiri ku mbali kw'omwiga Yorudani n'eja n'erumba ebyayiro by'ensolo ebirungi, zeena ntyo bwendiidha okuzindula Abaedomu, balumuke bave mu nsi yaibwe. Olwo omuntu ye ndirondagho n'alifuga eighanga eryo. Naani asobola okwegeza ku nze? Naani asobola okuneesonsaaku? Era mufuzi ki asobola okuntakania?

1 Ab'e Korintho 10:22

Twenda kuleetera Katonda kuba wa nkikidi? Niife tumusinga amaani?