Omulangirizi 5:9 - Baibuli Ekibono kya Katonda 2014

⁹ Aye nga mu kutwalira aghalala, eitaka ligasa boonaboona, ni kyabazinga yeena aganhulwa mu bikungulwa mu nimiro.

Omulangirizi 5:9 ပူးပေါင်းရင်းမြစ်များ

Zabbuli 115:16

Musengwa Katonda ni mwene igulu, aye ensi yagigha abantu.

Ensambo 13:23

Enimiro edh'abaavu edhawuumuzibwaku okulimwa dhibala emere kamaala, aye abantu abatakola mazima babaswankulaku emere eyo.

Ensambo 28:19

Ole alima eitaka lye aidha kubanga n'emere kamaala, aye ole amala ebiseera bye ku mirimo egitaleeta magoba, aidha kubanga mwavu lubeerera.

Omulangirizi 4:8

Ghabaagho omuntu aziraku mwana oba muganda we, aye nga buli kiseera ayenda kweyongera kufuna bya bukombe. Nga tiyeebuuzaaku ati: “Ndi kufaabiikanira ani, ni ndoba okwesanhusa?” Ekyo kyona kiziramu muganhulo, era kireeta n'enaku.

Omulangirizi 5:10

Omuntu ayenda einho empiiya tidhirimumala n'adhiiguta. N'oyo ayenda einho eby'obukombe, ezira magoba galimumala n'agaiguta. Ekyo kyona kiziramu muganhulo.

Omulangirizi 5:8

Bw'obonanga abakungu mu ighanga nga batuntuza abaavu, baaloba kubakolera mazima, era baaloba kubakolera ebyo bye bagwaniire okukolerwa, oteewuunhianga kuba buli mukungu abaaku n'omuntu amusingaku amufuga, era n'oyo amusingaku yeena yaabaaku abamufuga.

Omulangirizi 6:7

Omuntu mu by'akola byonabyona akolerera kufuna kya kulya, aye by'afuna tibimwigusa.