Omulangirizi 5:8 - Baibuli Ekibono kya Katonda 2014

⁸ Bw'obonanga abakungu mu ighanga nga batuntuza abaavu, baaloba kubakolera mazima, era baaloba kubakolera ebyo bye bagwaniire okukolerwa, oteewuunhianga kuba buli mukungu abaaku n'omuntu amusingaku amufuga, era n'oyo amusingaku yeena yaabaaku abamufuga.

Omulangirizi 5:8 ပူးပေါင်းရင်းမြစ်များ

2 Ebyomubyanda 26:10

Era yaazimba ebituuti ebirengererwaku mu irungu, yaasima n'ensulo kamaala, kuba yali n'ebyayo kamaala mu biketezo eby'omu biiko n'eby'oku museetwe. Era yali n'abalimi abaalabiriranga emizabbibu mu nsozi, ni mu itaka eigimu, kuba yayendanga inho okulima.

Yobu 24:23

Aja yaabagha emiraala baatoolera okwesigula, aye yaasigala ng'abasimbyeku amaiso.

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 55:9

Wo Musengwa Katonda, zikiriza olulimi lw'abazigu bange, otabuletabule bye boogera; kuba mbona ekibuga kiidhwire okwegugunga n'ebikolwa eby'obukambwe.

Zabbuli 82:1

Katonda atyama mu kityamo kye mu lwekobaano olw'omu igulu; emisambwa gyesoloza yaagisalira omusango ati:

Zabbuli 83:18

Ka bamanhe nga iwe wenka niiwe Musengwa Katonda, era nga niiwe oyo Ali Ghaigulu Yeene asinga ebintu byonabyona eby'oku nsi.

Zabbuli 95:3

kuba Musengwa Katonda ni Katonda mwene omukologho, era ni Kyabazinga omukologho asinga bakatonda ab'amaghanga agandi.

Ensambo 22:16

Omuntu atuntuza omwavu ng'ayenda okweyongeraku obukombe, oba n'agha abakombe ebirabo, amala mwene yaayavughala.

Ensambo 24:12

Osobola okwewuuguusa oti: “Bona eno, ekyo nze tikimanhangaku naire.” Aye Katonda abona ebigendererwa eby'omuntu era yaabimanha. Oyo n'akuuma obulamu bwo, era abona buli kintu. Era aja kusasula buli muntu, ng'ajiira ku bikolwa bye.

Ensambo 8:17

Ngonza abo abangonza, abo abandhagala n'omwoyo omulala bambona.

Omulangirizi 3:16

Era nabona nga ku nsi, mu kifo aghandibaire okukola amazima oyagaanagho bikolwa bibi, ni mu kifo aghandibaire obutuufu woona waayagaanagho bikolwa bibi.

Omulangirizi 4:1

Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Omulangirizi 5:9

Aye nga mu kutwalira aghalala, eitaka ligasa boonaboona, ni kyabazinga yeena aganhulwa mu bikungulwa mu nimiro.

Omulangirizi 7:7

Bwenebwene okunhigirizibwa kuleetera omuntu omugezi okukola eby'ekisiru, n'enguzi yaaleetera omuntu okwonooneka.

Omulangirizi 8:9

Ebyo byonabyona nabyetegereza bwe nalowooza einho ku ebyo abantu bye bakola ku nsi, naabona ng'abantu abandi bwe bafugisa banaibwe obukambwe, aye ate boonaboona ni balumizibwa abafuzi beene n'abo be bafuga.

Isaia 10:12

“Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 3:15

Lwaki mufuutafuuta abantu bange, ni mutentenatentena abantu abaavu mutyo? Nze Musengwa Katonda Afuga Amagye, ninze ndi kubuuza.”

Isaia 37:36

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Ezekieli 18:18

Aye ise olw'okuba yali mukupankupania, ng'anhaga ku bantu ebyaibwe era ng'akola ebitali birungi, alifa olw'ebibi bye yakola.

Amosi 5:12

kuba ndidhi ebibi byaimwe bwe byaga obungi, era naamanha emisango gye mwaiza bwe gyaga obunene. Mudaazadaaza abantu abatuufu, mwalya enguzi. Era mwafuulaniafuulania ensonga edh'abaghafu, mwabasaliriza mu mbuga dh'amateeka.

Amosi 6:12

Embalaasi dhisobola okulumukira ku mabaale ag'oku nsozi? Omuntu asobola okulima mu nhandha n'embago ey'ente? Aye imwe amazima mugafiiremu butwa, n'obutuufu mwabufuulaniafuulania.

Mika 2:9

Mubinga abakazi ab'abantu bange mu ndhu dhaibwe mwe bawulirira eisanhu, mwalobera abaana baibwe okubona ku kitiibwa kyange ebyanda n'ebyanda.

Zekaria 8:6

“Ekyo kiboneka okuba ng'ekitasoboka eri abo abaawonagho abali mu ighanga lino buti, aye eri nze ghazira kitasoboka.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Luka 1:32

Aliba mukulu era alyetebwa Mwana w'oyo Ali Ghaigulu Yeene. Musengwa Katonda alimugha ekityamo kya Daudi dhaadha we.

Luka 1:35

Malaika yaamwiramu ati: “Mwoyo Mutukuvu aidha kukwikaku, n'amaani g'oyo Ali Ghaigulu Yeene gaidha kukuboghera, kyova ky'olizaala, ekitukuvu, kiryetebwa Mwana wa Katonda.

Luka 1:76

N'iwe Omwana, olyetebwa mulanzi w'oyo Ali Ghaigulu Yeene; kuba olyembereramu Musengwa waamutegekera engira dhe

Ebikolwa by'Abatume 12:23

Mangu ago malaika wa Musengwa yaakuba Herode, kuba Herode tiyagha Katonda kitiisa. Enhengere dhaamulya yaafa.

Ab'e Roma 11:33

Bwenebwene ekisa kya Katonda n'amagezi ge, n'okumanha kwe, nga tibikoma! By'asalagho tibirowoozeka! Enkola ye nga temanhikana!

Yakobo 2:13

Mu kusala omusango Katonda taja kusaasira muntu oyo atasaasira ate okusaasira n'okusinga mu kusala emisango.

1 Petero 4:12

Aboluganda, okudaazibwadaazibwa okuzibu kwe mulimu kulobe kubeewuunhisa inho ng'oti tikubangaghooku, kuba kuligho lwa kubaleba bulebe.

1 Yoanne 3:13

Baganda bange mutakyewuunhianga ensi bw'ebakyaghanga.