Omulangirizi 5:6 - Baibuli Ekibono kya Katonda 2014

⁶ Otaganhanga munwa gwo kukuleeteranga kukola kibi, olwo omale okobe omukwenda wa Katonda oti tiwagenderera kukoba otyo. Lwaki okoba ebisungughaza Katonda n'omuleetera okuzikiriza bye wakolerera?

Omulangirizi 5:6 ပူးပေါင်းရင်းမြစ်များ

Amainhama 48:16

Katonda oyo eyatuma malaika n'amponia mu buli kabi koonakoona, abaghe enkabi. Eriina lyange n'erya dhaadha wange Aburahamu, n'erya lata wange Isaaka, gatuumibwenga mu baana baibwe. Bazaalenga abaana kamaala, era bafune abaidhukulu kamaala inho ku nsi.”

Ensambo 23:17

Oteegombanga boonooni naire, aye sigalanga ng'otya Musengwa Katonda ekiseera kyonakyona.

Omulangirizi 10:12

Omugezi by'ayogera bimuleetera okufuna ekitiibwa, aye omusiru by'ayogera bimuzikiriza buzikirize.

Omulangirizi 3:14

Katonda oyo buli ky'akola kibaagho byanda na byanda, ghazira kisoboka kwongerwaku waire okutoolebwaku. Yakola atyo, abantu bamutyenga.

Abalevi 4:2

akobere Abaisiraeli ati omuntu bw'anaakolanga ekibi nga tagendereire, n'asobya mu kintu kyonakyona ku ebyo Musengwa Katonda bye yalagira, anaabanga n'okukola bino:

Abalevi 4:22

Omufuzi bw'anaabanga n'akoze ekibi nga tagendereire, n'asobya ku ebyo Musengwa Katonda bye yalagira,

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Malaki 3:1

Agho Musengwa Katonda Afuga Amagye yaabairamu ati: “Bona eno, ndituma omukwenda wange yantegekera engira mwe ndibita. Olwo Musengwa Katonda ye muli kwagala alibazinduukiriza nga timwetegeike, yaidha mu isinzizo lye. Era omukwenda oyo ye mwegomba okubona, aliidha yaalangirira endagaano yange.”

Okubala 15:25

Agho kabona akolanga omukolo ogw'okutoolebwaku ebibi, olw'Abaisiraeli boonaboona okusoniyibwanga, kuba ekisobyo ekyo tikyali kigenderere ate nga bandeeteire nze Musengwa Katonda ekigheebwayo kyaibwe ekyokebwa n'ekigheebwayo olw'ebibi, olw'ekisobyo kyaibwe ekyo.

1 Ab'e Korintho 11:10

Ku lwa bamalaika omukazi agwaine okweghembanga ku mutwe kyoleke ng'afugibwa iba.

1 Timotheo 5:21

Nkusikirira mu maiso ga Katonda, ni Kurisito Yesu, ni bamalaika abatukuvu, ojiirenga ku biragiro bino buliidho, aghazira kwekubira oba okusaliriza.

Abaheburayi 1:14

Kale bamalaika ti n'emyoyo egigheereza Katonda, gy'atuma olw'abo ab'okulokolebwa?

Yakobo 1:26

Ole bw'alowooza ati aikiriza, aye n'atafuga lulimi lwe, yeesubagha era n'okwikiriza kwe muzira.

Yakobo 3:2

Twenatwena tusobya. Aye oba nga ghaligho atasobya mu ndhogera, oyo mutuukirivu era asobola okufuga n'omubiri gwe gwonagwona.

2 Yoanne 1:8

Mwekuume, mulobe kusubwa ekyo kye mwakolerera, aye mufune empeera yaimwe mu bwidhuvu.