Omulangirizi 5:18 - Baibuli Ekibono kya Katonda 2014

¹⁸ Bona eno, nze ekirungi kye nabona omuntu ky'agwaine okukola, kyandibaire kulya, na kunhwa, na kweyagalira mu ebyo by'aba afunie mu kufaabiikana kwe ku nsi, mu nnaku entono edho Katonda dhaamugha okuba omulamu. Ogwo n'omugabo gwe.

Omulangirizi 5:18 ပူးပေါင်းရင်းမြစ်များ

Zabbuli 42:8

Omusana Musengwa Katonda andholeka nga bw'angonza obutalekera, obwire nze naamwembera olwembo nga mmusaba oyo Katonda ampa obulamu.

Omulangirizi 11:9

Iwe omwisuka, sagambira mu bwisuka bwo era weeyagale ng'okaali mwisuka. Kolanga ebyo by'oyenda, era weetuusengaku ebyo omwoyo gwo bye gwegomba. Aye manha nti Katonda aja kukusalira omusango olw'ebyo byonabyona.

Omulangirizi 2:10

Buli kintu amaiso gange kye geegombanga, nga nkifuna. Na buli ekisanhusa kyonakyona omwoyo gwange kye gwayendanga, nga nkyetuusaaku. Kale naasanhukanga olw'ebyo byonabyona bye nakolanga, era eyo yaaba nga n'empeera ye nafunanga mu ebyo byonabyona bye nakolanga.

Omulangirizi 2:24

Omuntu kye yandikoze ekisinga, kyandibaire kulya, na kunhwa, na kweyagalira mu ebyo by'aba afunie mu kufaabiikana kwe. Aye ekyo kyona nabona nga kiri mu buyinza bwa Katonda

Omulangirizi 2:3

Naanoonereza inho n'amagezi, naalowooza ku ky'okwesanhusa nga nhwa omwenge gw'emizabbibu, mbe ng'omusiru bw'akola. Nga nkoba nti oba katyo, ekyo abantu kye bagwaine okukola ku nsi mu nnaku entono edho, dhe bamala ku nsi nga balamu.

Omulangirizi 3:22

Kale naabona ng'omuntu kye yandikoze ekisinga, kyandibaire kya kweyagalira mu ebyo by'akoze. Ogwo nga n'omugabo gwe. Kuba naani asobola okumwiza okubona ebija okubaagho nga mwene amaze okufa?

Omulangirizi 6:2

Katonda aja yaagha omuntu okuba omukombe, yaaba n'ebintu kamaala, era yaaba n'ekitiibwa, nga ghazira kintu ky'atali nakyo. Aye ate Katonda oyo yaaloba okumuganha okweyagalira mu bintu ebyo, kabiri omuntu atamanhiibwa naire yaabyeyagaliramu. Ekyo kiziramu muganhulo, era kiruma inho.

Omulangirizi 8:15

Kale nze mbona ng'omuntu agwaniire okwesanhusanga kuba ku nsi kuzira kirungi kindi okutoolaku okulya, n'okunhwa, n'okwesanhusa. Eryo n'eisanhu omuntu ly'aba nalyo mu kiseera eky'obulamu bwe kyonakyona Katonda ky'amugha ng'ali mu kufaabiikana ku nsi.

Omulangirizi 9:7

Kale ja olye emere yo ekuwoomere, onhwe omwenge gwo ogw'emizabbibu osangaale, kuba Katonda ekyo kye yakutegekera.

Yeremia 52:34

Kyabazinga yaalagira bamughenga omugabo ogwa buli lunaku, ekiseera kyonakyona kye yamala nga mulamu.

1 Ab'e Korintho 16:16

Aboluganda, mbeeghemba mugonderenga abantu ng'oti n'abo, era mugonderenga n'oyo yeenayeena afuba okukolera aghalala nabo.

Amateeka Agokubiri 12:18

Aye imwe, ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ababa mu bibuga byaimwe, mwidha kulyanga ebigheebwayo ebyo mu maiso ga Musengwa Katonda waimwe, mu kifo ekyo Musengwa Katonda waimwe oyo ky'aidha okulondagho. Era mwidha kusagambiranga eyo olwa byonabyona bye munaabanga nga mukoze.

Amateeka Agokubiri 12:7

Eyo, nga muli mu maiso ga Musengwa Katonda waimwe, imwe n'ab'omu maka gaimwe ye mwidha okuliiranga n'okusagambiranga, olw'ebyo byonabyona bye munaabanga nga mukoze nga Musengwa Katonda oyo abaghaire enkabi.

Amateeka Agokubiri 26:11

Aidha kusagambiranga ghalala n'ab'omu maka ge, n'abalevi, n'abasenze ababa mu imwe, olw'ebirungi byonabyona Musengwa Katonda we by'anaabanga ng'amughaire.

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.