Omulangirizi 5:11 - Baibuli Ekibono kya Katonda 2014

¹¹ Omuntu y'akomya okufuna ebintu ebingi, n'abo ababirya ye bakoma okweyongera okuba abangi. Kale magoba ki mwene bintu ebyo g'abifunamu, okutoolaku okubiringangaku obulinge?

Omulangirizi 5:11 ပူးပေါင်းရင်းမြစ်များ

Amainhama 12:16

Era ku lulwe, kyabazinga yaabisa Aburamu bukalamu yaamugha entaama, n'ente, n'endogoyi enume n'enkazi, n'abairu abasaadha n'abakazi, era n'engamiya.

Amainhama 13:2

Aburamu yali mukombe inho, ng'ali n'ebyayo, ni feeza, ni zaabu.

Ensambo 23:5

Kuba obukombe osobola okububona oti, aye bwavaagho mangu bwaba ng'oti bumeze maghagha, bwagulukagho ng'oti n'enkookooma bw'egulukira ghaigulu n'ebulagho.

Omulangirizi 11:9

Iwe omwisuka, sagambira mu bwisuka bwo era weeyagale ng'okaali mwisuka. Kolanga ebyo by'oyenda, era weetuusengaku ebyo omwoyo gwo bye gwegomba. Aye manha nti Katonda aja kukusalira omusango olw'ebyo byonabyona.

Omulangirizi 2:9

Nafuuka mukologho okusinga abo boonaboona abansooka okuba mu Yerusalemu, era naasigala nga ndi mugezi.

Omulangirizi 5:12

Omuntu akola n'emikono gye atenduka endoolo dhaamuwoomera, ni bw'aba nga taliire n'aiguta, aye omukombe tatenduka olw'okweraliikirira ebintu by'ali nabyo.

Omulangirizi 6:9

Ekintu ekikyo ky'oli nakyo, kisinga ky'ozira kye weegomba obwegombe. Ekyo kyona muzira muganhulo, era kiri ng'oti kubinga mpewo ogigeme.

Yeremia 17:11

Omuntu afuna eby'obukombe mu bukupankupania, aba ng'oti n'enhonhi egonera amagi g'etaabiika; kuba eby'obukombe ebyo bimuwaaku mangu ng'akaali na kukairigha, olwo ku nkomerero ya byonabyona yaasigala agho nga musiru.

Habakkuku 2:13

Bona eno, Musengwa Katonda Afuga Amagye n'eyaleetera amaghanga ge mwaghangula, gakola emirimo emikalangufu, aye nga bye bakola bija kwokebwa bwokebwe. Era Musengwa Katonda oyo n'agaleetera okufaabiikana nga tigaja kuganhulwa naire.

1 Yoanne 2:16

Kuba ebintu byonabyona ebiri mu nsi ng'okwegomba okw'omubiri, okwegomba okw'amaiso n'okwekuza okw'omu bulamu buno, ti biva wa Lata aye bya nsi.