Omulangirizi 4:13 - Baibuli Ekibono kya Katonda 2014

¹³ Omala gaba muto ng'olimu amagezi waire ng'oli mwavu, aye otabaire kyabazinga mukaire omusiru era atawulirisa magezi ge bamugha.

Omulangirizi 4:13 ပူးပေါင်းရင်းမြစ်များ

Amainhama 37:2

Bino n'ebifa ku maka ga Yakobo: Yosefu bweyali nga mwisuka wa myaka ikumi na musanvu, yaayayanga entaama ni baganda be, abaana ba Biliha ni Zilipa abaali baka lata we ab'embali. Yosefu yaaseeghanga eri ise ebibi bye baakolanga.

1 Bakyabazinga 22:8

Kyabazinga wa Isiraeli yaakoba Yehoshafati ati: “Ghakaaligho omuntu ye tusobola okubitamu okwebuuzaaku ku Musengwa Katonda. Oyo ni Mikaia, mutabane wa Imula. Aye timwenda naire, kuba talangangaku bikalamu ku nze, okutoolaku ebibi.” Yehoshafati yaakoba ati: “Kyabazinga, otakoba otyo.”

2 Ebyomubyanda 25:16

Aye yali akaayogera, kyabazinga yaamukoba ati: “Twakulonda li okuba omuwi ow'amagezi wa kyabazinga? Sirika, okutoolaku ng'oli kunoonia kukwita!” Omulanzi yaasirika, aye era ng'amaze okumukoba ati: “Ndidhi nga Katonda mumalirivu okukuzikiriza, kuba okoze ekyo era waaloba kuwulirisa magezi ge nkughaire.”

Ensambo 19:1

Omuntu amala gaba mwavu aye nga mwesigwa, atabaire muguya era omusiru.

Ensambo 28:6

Omuntu amala gaba mwavu aye nga mwesigwa, atabaire mukombe aye nga mukupankupania.

Omulangirizi 4:12

Waire ng'omuntu asobola okulwanisa ole ali yenka yaamughangula, bwe baba ababiri bamulema. Omugugha ogw'enkosi eisatu tigukutuka mangu.

Omulangirizi 7:19

Omuntu omugezi, amagezi gamuleetera okuba ow'amaani agasinga ag'abafuzi eikumi abali mu kibuga.