Omulangirizi 2:23 - Baibuli Ekibono kya Katonda 2014

²³ Ekiseera eky'obulamu bwe akimala mu bulumi na kweraliikirira, n'obwire yaaloba kutenduka, kuwuumuza ku birowoozo. Ekyo kyona muzira muganhulo.

Omulangirizi 2:23 ပူးပေါင်းရင်းမြစ်များ

Amainhama 3:17

Yaakoba omusaadha ati: “Olw'okuba wawulirisa mukazi wo bye yakukoba, waalya ku kibala eky'omuti gwe nabalobera okulyaku, eitaka likolimiirwa. Mu kufaabiikana mw'onaatoolanga eky'okulya, enaku dhoonadhoona edh'obulamu bwo.

Amainhama 47:9

Yakobo yairamu ati: “Emyaka gye naakamala ku nsi, nga ntambulatambula ng'omusenze, giri kikumi n'asatu. Emyaka egyo gibaire mizibu era nga mitono, tigyaze na myaka emingi badhaadha bange gye baamala ku nsi nga batambulatambula ng'abasenze.”

Yobu 14:1

“Buli muntu azaalibwa mukazi, era obulamu bwe buba bumpi ate nga bwidhwire bizibu.

Yobu 5:7

Aye abantu beene n'abaazaalirwa okuba n'ebizibu, ng'oti n'obusambuka bw'omuliro bwe busambukira ghaigulu nga buva ku muliro.”

Zabbuli 127:2

Kuba kudaagira bwereere ole okuwuunanga enkyo, n'afaabiikana okufuna eky'okulya nga mweraliikirivu, era n'airamu okutenduka ng'obwire bujiire, kuba Musengwa Katonda alabirira abo b'agonza nga bali mu ndoolo.

Zabbuli 32:4

Wambonerezanga omusana n'obwire, amaani gampweramu irala ng'oti n'ebisimbe bwe bikala okw'endoboozi.

Zabbuli 90:15

Tughe okusanhuka einho tusobole okwesasuuza olw'enaku kamaala dhe watulumya, n'olw'emyaka kamaala gye twabeera mu bizibu.

Omulangirizi 1:13

Neeghaayo n'amagezi gange, naanoonereza era naayagaaza byonabyona ebikolebwa ku nsi. Naabona ng'ebyo byonabyona, n'omulimo omukalangufu ogutasanhusa naire, Katonda gwe yagha abaana ab'abantu okwetawulamu.

Omulangirizi 1:18

Omuntu y'akomya okuba n'amagezi amangi, y'akomya n'okusoberwa; era y'akoma okweyongera okumanha ebingi, y'akoma n'okuba n'enaku.

Omulangirizi 2:11

Agho naalowooza ku bintu byonabyona bye nakola, n'okufaabiikana kwange nga mbikola, naabona nga byonabyona muzira muganhulo, nga kiri ng'oti kubinga mpewo ogigeme. Mu butuufu ghazira kintu kiri na mugaso ku nsi.

Omulangirizi 5:12

Omuntu akola n'emikono gye atenduka endoolo dhaamuwoomera, ni bw'aba nga taliire n'aiguta, aye omukombe tatenduka olw'okweraliikirira ebintu by'ali nabyo.

Omulangirizi 5:17

Yaamala enaku dhe dhoonadhoona ng'aliira mu nzikiiza, ng'ali mu bulumi, ni mu bweraliikirivu, era nga munakughavu.

Omulangirizi 8:16

Bwe nafuba einho okufuna amagezi, n'okumanha emirimo egikolebwa ku nsi, ni mbona n'engeri abantu ye batatenduka ku ndoolo omusana n'obwire,

Danieli 6:18

Agho kyabazinga yairayo mu kisaagaati kye. Yaamala obwire obwo nga taliire ku mere, waire okuganha bamuleetere ebisanhusa n'endoolo dhaamubula.

Ebikolwa by'Abatume 14:22

Baagumya emyoyo gy'abeegeresebwa era nga babasikirira okunhweza okwikiriza, nga babakoba bati: “Tuli n'okubita mu bizibu kyodo okwingira mu Bwakyabazinga bwa Katonda.”