Omulangirizi 2:19 - Baibuli Ekibono kya Katonda 2014

¹⁹ Ate nga waire ghazira aidhi, oba omuntu oyo aja kuba mugezi oba musiru, aye era oyo n'aja okwefuga ebyo bye nfaabiikaniire ku nsi nga nkozesa amagezi gange. Ekyo kyona muzira muganhulo.

Omulangirizi 2:19 ပူးပေါင်းရင်းမြစ်များ

1 Bakyabazinga 11:43

Agho Solomoni oyo yaafa yeeyimba ku badhaadha be abaafa, yaaziikibwa mu kyetebwa Ekibuga kya Daudi lata we. Mutabane we Rehoboamu yaamusikira ku bwakyabazinga.

1 Bakyabazinga 12:13

Agho kyabazinga yaabairamu na bukambwe, kuba yava ku magezi abantu abakulu ge baamugha,

Omulangirizi 2:11

Agho naalowooza ku bintu byonabyona bye nakola, n'okufaabiikana kwange nga mbikola, naabona nga byonabyona muzira muganhulo, nga kiri ng'oti kubinga mpewo ogigeme. Mu butuufu ghazira kintu kiri na mugaso ku nsi.

Omulangirizi 2:20

Kale naatuuka okweidhusa n'okuwaamu eisuubi mu mirimo gyange gye nakola ku nsi nga nfaabiikana,

Omulangirizi 3:22

Kale naabona ng'omuntu kye yandikoze ekisinga, kyandibaire kya kweyagalira mu ebyo by'akoze. Ogwo nga n'omugabo gwe. Kuba naani asobola okumwiza okubona ebija okubaagho nga mwene amaze okufa?

Omulangirizi 9:13

Ghaligho eky'okuboneraku ekindi ku nsi ekigema ku magezi, ekyambonekera nga kikulu:

Luka 16:8

“Kale musengwa yaasaaka omughanika oyo atali mwesimbu olw'amagezi ge yasala kuba abaana ab'ensi eno bagezigezi mu ngeri ye bakolaganamu n'ab'oluse lwaibwe okusinga abaana ab'omusana.

1 Timotheo 6:10

Kuba okwenda einho empiiya, n'ekikolo okusibuka ebibi byonabyona. Era okuba n'amairu gaadho amangi kuleeteire abandi okudaaliima n'okuva ku kwikiriza, beereetera okudaagadaaga okw'amaani.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.

Yakobo 3:17

Aye okusookera irala, amagezi agava mu igulu maamufu, ga idembe, mawombeefu, gawulirisa ensonga, gaidhwire okusaasira, gavaamu bikalamu byereere, ganoonia ekituufu era tigabaamu buguya.