Omulangirizi 2:16 - Baibuli Ekibono kya Katonda 2014

¹⁶ kuba omugezi tibamwidhukira, ng'oti n'omusiru yeena bwe batamwidhukira. Mu biseera ebiidha, boonaboona baliba beerabirwa ira. Ng'omugezi bw'afa, n'omusiru yeena bw'afa.

Omulangirizi 2:16 ပူးပေါင်းရင်းမြစ်များ

2 Samueli 3:33

Kyabazinga yaalira Abuneri ng'akoba ati: “Bwenebwene lwaki Abuneri yafa ng'oti n'omusiru bw'afa?

Zabbuli 103:16

aye empewo olukifuuwaku nga kibulagho, nga ni ghe kyali tighakaamanhika naku.

Zabbuli 49:10

Bwenebwene tubona nga n'abagezi bafa, era nga n'abasiru ghalala n'abadoofu bawaagho, obukombe bwaibwe baabulekera bantu bandi.

Zabbuli 88:12

Ebyewuunhio byo babibona eyo mu nsi ey'enzikiiza, waire amaani go agalokola okugabona eyo mu nsi ey'abo abeerabirwa?

Okuvaayo 1:6

Agho ekiseera kyatuuka Yosefu, ni baganda be, n'abantu abandi ab'oluse olwo lwonalwona, baaba nga bafiire.

Okuvaayo 1:8

Agho omuntu ataamanha bya Yosefu yaafuuka kyabazinga wa Misiri.

Ensambo 14:8

Amagezi ag'omutegeevu gamuleetera okumanha eky'okukola, aye obusiru obw'abasiru bubaleetera kwerimba.

Omulangirizi 1:11

Abantu abaligho buti tibaidhukira byaligho. N'abantu abalibaagho ye bwidha eyo, tibaliidhukira ebyo ebiriba nga bimaze okubaagho.

Omulangirizi 2:14

Omuntu omugezi atambula ng'abona y'aja, aye omusiru atambula ng'oti ali mu nzikiiza. Aye ate nazuula nti ekija okutuuka ku musiru, n'ekija okutuuka ni ku mugezi.

Omulangirizi 2:15

Olwo naakoba mule nti: “Ekituuka ku musiru n'ekija okutuuka ni ku nze, kale nabeerera ki omugezi einho ntyo?” Kyenava ni nkoba mule nti ekyo kyona muzira muganhulo,

Omulangirizi 6:8

Omuntu omugezi kiki ky'asingaku omusiru? Ate omuntu omwavu afunamu ki bwe yeebisa obukalamu mu bantu?

Omulangirizi 7:2

Okuja mu ndhu omuli okulira omufu, kusinga okuja omuli embaga; kuba okufa n'enkomerero ya buli muntu, era abalamu bagwaine okukirowoozangaku.

Omulangirizi 8:10

Era naabona ababi nga baziikibwa mu kitiibwa. Abantu abo baajanga mu kifo ekitukuvu emikuzi mingi era abantu baabasaakanga mu kibuga mwene mwe baakoleranga ebibi. Ekyo kyona kiziramu muganhulo.

Omulangirizi 9:15

Mu kibuga omwo mwabaamu omuntu omugezi aye nga mwavu. Omuntu oyo yaakozesa amagezi ge, yaawonia ekibuga ekyo, aye ghaaloba kubaagho yaidhukira muntu oyo omwavu.

Omulangirizi 9:5

Bwenebwene abantu abalamu bamanha nga baja kufa, aye abafu baba bazira kye baidhi era nga bazira kye bakaasuubira kufuna, kuba baba tibakaidhukirwa naire.

Malaki 3:16

Agho abantu abaalaga nga batya Musengwa Katonda, baayogeramuuku beene na beene. Musengwa Katonda yaabawulirisa era yaawulira bye baakoba. Era agho mu maiso ga Musengwa Katonda oyo, ghaabaagho ekitabo ekyaghandiikibwamu amaina g'abo abaalaga nga bamutya era nga bamutaamu ekitiisa.

Abaheburayi 9:27

Era nga buli muntu bw'ali n'okufa omukuzi omulala, era ng'amaze okufa n'asalirwa omusango,