Omulangirizi 2:11 - Baibuli Ekibono kya Katonda 2014

¹¹ Agho naalowooza ku bintu byonabyona bye nakola, n'okufaabiikana kwange nga mbikola, naabona nga byonabyona muzira muganhulo, nga kiri ng'oti kubinga mpewo ogigeme. Mu butuufu ghazira kintu kiri na mugaso ku nsi.

Omulangirizi 2:11 ပူးပေါင်းရင်းမြစ်များ

Amainhama 1:31

Katonda yaabona bye yakola, byamusangaaza inho. Bwaziba era bwakya olwo lwaba nga n'olunaku olwomukaaga.

Zabbuli 89:47

Wo Musengwa Katonda, idhukira obulamu bwange nga bwe buli obumpi! Obulamu obw'abantu boonaboona muzira muganhulo!

Okuvaayo 39:43

Musa yaakebera byonabyona bye baakola, yaabona nga bwenebwene baabikola nga Musengwa Katonda bweyalagira. Musa yaabasabira enkabi.

Omulangirizi 1:14

Nalingirira ebintu byonabyona ebikolebwa ku nsi, naabona nga byonabyona biziramu muganhulo, nga kuli ng'oti kubinga mpewo ogigeme.

Omulangirizi 1:17

Neeghaayo inho nsobole okumanha okwawulagho amagezi n'eiralu, n'obusiru. Aye naabona nga kyona kiri ng'oti kubinga mpewo kugigema.

Omulangirizi 1:3

Magoba ki omuntu g'afuna mu kufaabiikana kwe kwonakwona, kw'afaabiikanira ku nsi?

Omulangirizi 3:9

Magoba ki omukozi g'afuna mu kufaabiikana kwe?

Omulangirizi 5:10

Omuntu ayenda einho empiiya tidhirimumala n'adhiiguta. N'oyo ayenda einho eby'obukombe, ezira magoba galimumala n'agaiguta. Ekyo kyona kiziramu muganhulo.

Omulangirizi 5:16

Ekyo kyona kya nnaku inho, omuntu okuja ng'azira k'ali nako nga bwe yaidha. Olwo magoba ki g'aba afunie mu kufaabiikana kwe ng'oti n'abinga empewo okugigema?

Habakkuku 2:13

Bona eno, Musengwa Katonda Afuga Amagye n'eyaleetera amaghanga ge mwaghangula, gakola emirimo emikalangufu, aye nga bye bakola bija kwokebwa bwokebwe. Era Musengwa Katonda oyo n'agaleetera okufaabiikana nga tigaja kuganhulwa naire.

1 Timotheo 6:6

Kituufu okwikiriza kulimu obukombe kamaala, kasita ole n'awulira ng'ebyo by'ali nabyo bimumala.