Omulangirizi 12:13 - Baibuli Ekibono kya Katonda 2014

¹³ Byonabyona bye nkobye obiwuliire. Kale ni tyanga Katonda era ogemenga amateeka ge, kuba eyo n'ensonga eyatondesa omuntu.

Omulangirizi 12:13 ပူးပေါင်းရင်းမြစ်များ

Amainhama 22:12

Yaamukoba ati: “Otaita mwisuka oyo oba okumukolaku akabi koonakoona. Mpegaano ntegeire ng'otya Katonda, kuba toonhimye mwana wo omulala bedengedenge.”

1 Bakyabazinga 2:3

Otuukirizanga ebyo byonabyona Musengwa Katonda wo by'ayenda okole, ng'ojiira ku ebyo by'akukoba mu mateeka ge ni mu biragiro bye, nga bwe byaghandiikibwa mu Mateeka ga Musa. Olwo obenga n'enkabi mu byonabyona by'onaakolanga, ni yoonayoona y'onaajanga.

Yobu 28:28

Yaakoba abantu ati, ‘Bona, mu kutya Musengwa Katonda n'omuli amagezi; mu kwesamba ekibi, n'omuva okutegeera.’ ”

Zabbuli 111:10

Mu kutya Musengwa Katonda n'omusookera amagezi; abo abagondera ebiragiro bye abagha okutegeera. Musengwa Katonda asaakibwenga ebyanda n'ebyanda.

Zabbuli 145:19

Abo boonaboona abamutya awulira okulira kwaibwe yaabawonia, era yaabagha bye benda.

Zabbuli 147:11

aye asangaalira abo bamutya, abo abasuubirira mu kugonza kwe okutakoma.

Ensambo 1:7

Omuntu okuba n'obumanhi, asooka na kutya Musengwa Katonda. Abasiru banhooma amagezi era tibenda kugalagirwa.

Ensambo 19:23

Okutya Musengwa Katonda kuleetera omuntu obulamu, yaaba bukalamu ng'ali miraala, ghaabulagho akabi akamutuukaku naire.

Ensambo 23:17

Oteegombanga boonooni naire, aye sigalanga ng'otya Musengwa Katonda ekiseera kyonakyona.

Omulangirizi 2:3

Naanoonereza inho n'amagezi, naalowooza ku ky'okwesanhusa nga nhwa omwenge gw'emizabbibu, mbe ng'omusiru bw'akola. Nga nkoba nti oba katyo, ekyo abantu kye bagwaine okukola ku nsi mu nnaku entono edho, dhe bamala ku nsi nga balamu.

Omulangirizi 3:14

Katonda oyo buli ky'akola kibaagho byanda na byanda, ghazira kisoboka kwongerwaku waire okutoolebwaku. Yakola atyo, abantu bamutyenga.

Omulangirizi 5:7

Bwenebwene omuntu y'akomya okuloota ebirooto ebiziramu makulu, y'akomya n'okwogera ebimuleetera okuzikirira. Aye iwe sigalanga ng'otya Katonda.

Omulangirizi 6:12

Bwenebwene naani aidhi omuntu ky'agwaniire okufuna mu bulamu bwe obumpi butyo obuziramu muganhulo, era obubitagho obubite ng'oti kinsense? Era naani asobola okukobera omuntu ebiribaagho ku nsi, ng'omuntu oyo aviiregho?

Omulangirizi 7:18

Kirungi weefugenga, olobenga kubitiriza mu ebyo byombi, kuba oyo atya Katonda aja kuwona ebyo byonabyona.

Omulangirizi 8:12

Aye waire ng'omwonooni asobola okukola ebibi emikuzi kamaala ate yaaghangaala inho, nze ndidhi nti abo abatya Katonda baidha kubanga bukalamu olw'okumutya.

Omulangirizi 8:5

Oyo agondera ekiragiro kya kyabazinga tafuna buzibu, era omugezi amanha ekiseera n'ensambo ey'okutuukirizaamu ekiragiro ekyo

Mika 6:8

Busa, Musengwa Katonda yatukobera ekikalamu kye tube tukole, era ni kino: Ayenda tukolenga ebintu mu butuufu, twolekenga okugonza okutakoma, era tumusinzenga nga tuli bawombeefu.

Luka 1:50

Ekisa kye ku bamutya kirigho ku nse n'ense.

Amateeka Agokubiri 10:12

Musa yaayongera okukoba Abaisiraeli ati: “Mpegaano ni, imwe Abaisiraeli, Musengwa Katonda waimwe ky'ayenda mukole ni kino: Mumutyenga era mujiirenga ku ebyo byonabyona by'abalagira. Mumugonzenga era mumusinzenga n'omutima gwaimwe gwonagwona, n'omwoyo gwaimwe gwonagwona,

Amateeka Agokubiri 10:20

Mutyenga Musengwa Katonda waimwe, era yenka ye mube musinzenga. Mubenga beesigwa y'ali, era eriina lye lyonka, lye mube mulayirenga.

Amateeka Agokubiri 4:10

olunaku lwe mwayemerera mu maiso ga Musengwa Katonda waimwe ku lusozi Sinai. Ku olwo Musengwa Katonda lwe yankoba ati, ‘Nsololeza abantu baidhe. Nhenda bawulire bye nja okubakoba, beege okuntyanga n'okumpuliranga enaku dhoonadhoona edh'obulamu bwaibwe, era beegerese n'abaana baibwe okukolanga batyo boona.’

Amateeka Agokubiri 4:2

Mutayongeranga kintu kyonakyona ku bye ndi kubalagira, waire okubikendeezaaku. Mugemenga ebiragiro bya Musengwa Katonda waimwe bye ndi kubagha.

Amateeka Agokubiri 6:2

Imwe n'abaana baimwe era n'abaidhukulu baimwe, mutenga mu Musengwa Katonda waimwe ekitiisa enaku edh'obulamu bwaimwe dhoonadhoona. Mutuukirizenga amateeka ge goonagoona n'ebiragiro bye, bye ndi kubagha, mughange okughangaalira mu nsi eyo.

1 Petero 2:17

Buli muntu mumutengamu ekinhagansi. Mugonzenga aboluganda. Mutyenga Katonda, era ni Kyabazinga mumutengamu ekinhagansi.

Okwolekebwa 19:5

Era amamiro gaava gha kityamo eky'obwakyabazinga nga gakoba gati: “Musaake Katonda waife mwenamwena imwe abagheereza be abamutya, abakulu n'abato.”

1 Samueli 12:24

Kale ni mwisenga mu Musengwa Katonda ekitiisa, mumugheerezenga nga muli beesigwa n'omwoyo gwaimwe gwonagwona, nga mwidhukira ebintu ebikologho by'abakoleire.