Omulangirizi 11:9 - Baibuli Ekibono kya Katonda 2014

⁹ Iwe omwisuka, sagambira mu bwisuka bwo era weeyagale ng'okaali mwisuka. Kolanga ebyo by'oyenda, era weetuusengaku ebyo omwoyo gwo bye gwegomba. Aye manha nti Katonda aja kukusalira omusango olw'ebyo byonabyona.

Omulangirizi 11:9 ပူးပေါင်းရင်းမြစ်များ

Amainhama 3:6

Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

Amainhama 6:2

Abaana ab'omu igulu bwe baalinga bati ku baana abaghala abo ab'abantu, baabona nga balungi. Kale baababayiza nga bwebaayendanga.

1 Bakyabazinga 18:12

Aye naaba naakava gh'oli nti, ng'omwoyo gwa Musengwa Katonda gukutwala ye ntaidhi! Agho bwe nnaatuuka ni nkobera Ahabu, aye ate n'atasobola kukubona, aidha kundhita, ate nga nze omugheereza wo ndhisiisa ekitiisa mu Musengwa Katonda okuviira irala mu buto bwange.

1 Bakyabazinga 18:27

Mu kasana ghagati Eliya yaabakiina, ng'akoba ati: “Mwete inho, kuba oyo katonda mwene. Bw'ataba nga ghaligho ky'ali kulowooza einho, asobola okuba ng'ajiire kwetereezaaku, oba ng'aliku gh'ajiire mu lugendo. Oba katyo asobola okuba ng'atendwike, nga kyetaagisa okumuzuusa.”

1 Bakyabazinga 22:15

Mikaia bwe yatuuka mu maiso ga kyabazinga Ahabu, kyabazinga oyo yaamubuuza ati: “Nje numbe Ramothi eky'e Gileadi, oba ntakirumba?” Mikaia yaamwiramu ati: “Ja olumbe Ramothi eky'e Gileadi, oidha kukighangula. Musengwa Katonda aidha kukikuta mu ngalo.”

Yobu 31:7

“Bwemba nga nadaaliima naava ku ngira entuufu, naatwalirizibwa bye mbona, era naakola ebibi ebyandeetera okuba atali mulongoofu,

Zabbuli 81:12

Kale n'okubaleka bajiire ku ebyo emyoyo gyaibwe emidheemu bye gibalagira, beebise nga beene bwebalowooza.

Omulangirizi 12:1

Idhukiranga Omutonzi ng'okaali mwisuka, enaku embi nga dhikaali kutuuka n'emyaka nga gikaali kutuuka mw'olikobera oti: “Tikaanhumirwa bulamu.”

Omulangirizi 12:14

Era Katonda aja kutusalira omusango ku byonabyona bye tukola, ka bibe ebirungi oba ebibi, nga kw'otaire n'ebyo ebikolebwa mu ngiso.

Omulangirizi 2:10

Buli kintu amaiso gange kye geegombanga, nga nkifuna. Na buli ekisanhusa kyonakyona omwoyo gwange kye gwayendanga, nga nkyetuusaaku. Kale naasanhukanga olw'ebyo byonabyona bye nakolanga, era eyo yaaba nga n'empeera ye nafunanga mu ebyo byonabyona bye nakolanga.

Omulangirizi 3:12

Ndidhi nti abantu kye bandikoze ekisinga, kyandibaire kya kubanga basangaavu, na kwesanhusanga ekiseera kyonakyona kye baba abalamu.

Omulangirizi 3:17

Naakoba mule nti: “Katonda aja kusalira abatuufu n'ababi omusango, kuba buli kintu na buli kikolwa yakiteeragho ekiseera kyakyo.”

Omulangirizi 6:9

Ekintu ekikyo ky'oli nakyo, kisinga ky'ozira kye weegomba obwegombe. Ekyo kyona muzira muganhulo, era kiri ng'oti kubinga mpewo ogigeme.

Omulangirizi 7:14

Olunaku ebintu lwe bikujiiriire obukalamu, osangaalanga, ate lwe bikujiiriire obubi, oidhukiranga oti: Katonda naataagho ebyo byombi, olwo abantu balobenga kumanha biribaagho.

Yeremia 23:17

Buli kaakyeire bakobera abantu abaloba okuwulirisa nze Musengwa Katonda bye nkoba, bati, Mwidha kubanga mu miraala.’ Era baakobera buli muntu akola ebyo omwoyo gwe omukalangufu bye gwenda, bati, ‘Ezira kabi kaidha kukutuukaku naire.’ ”

Yeremia 7:24

Aye baaloba kumpulirisa waire okugondera bye ndagira. Baajiira ku ebyo emyoyo gyaibwe emikalangufu era emibi bye gyenda. Mu kifo ky'okuba abalungi, beeyongera bwa kuba babi inho.

Okulira 3:27

Era kiba kikalamu omuntu okwega okuguminkiriza okwo ng'akaali muto.

Okubala 15:30

“Aye ole akola ekibi ng'agendereire, k'abe Omuisiraeli omuzaale waamu oba omusenze, aba ng'annhoomye nze Musengwa Katonda era omuntu oyo aba nga takaabalirwa mu bantu bange.

Okubala 15:39

Amadhwenge ago buli lwe munaagalingangaku gaidha kubanga akamanhiso akanaabaidhusanga amateeka gange nze Musengwa Katonda n'okugagonderanga, mulobenga kunvaaku ni mujiira ku ebyo emyoyo gyaimwe n'amaiso gaimwe bye bibaleetera okwegomba.

Okubala 22:32

Malaika wa Musengwa Katonda, yaabuuza Balaamu ati: “Lwaki okubye endogoyi yo emikuzi egyo esatu? Bona eno, ndidhye okwekiika mu ngira yo, kuba olugendo lwo luno tirusemba.

Matayo 5:28

Aye nze mbakoba nti, buli alingirira omukazi olw'okumwegomba, aba amwenzeeku mule mu mwoyo.

Luka 12:19

Era olwo nkobe omwoyo gwange nti: Mwoyo gwange, ofunie ebirungi kamaala, wuumula, olye, onhwe osagambe.’

Ebikolwa by'Abatume 14:16

Mu byanda eby'eira Katonda yaleka abantu boonaboona baakolanga nga bwe baayendanga.

Ebikolwa by'Abatume 24:25

Aye Paulo bwe yayogera ku butuukirivu, ni ku muntu okufuga omubiri gwe, era ni ku lunaku olw'okusaliraku omusango, Felikisi yaatya, yaakoba ati: “Mperaano ja ndidha kufunayo ekiseera nkwetese.”

Ab'e Roma 14:10

Kale iwe lwaki onenia mwino? Twenatwena Katonda n'aja okutusalira omusango.

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.

2 Ab'e Korintho 5:10

Kuba twenatwena tuteekwa okuboneka mu maiso ga Kurisito atusalire omusango. Buli muntu alimusasula ng'ajiira ku bikalamu, oba ku bibi bye yakola ng'ali mu mubiri guno.

Amateeka Agokubiri 29:19

Ghatabangagho awulira bibono bya ndagaano eno erimu okulayira, n'akoba mule ati: ‘Ndidha kuba bukalamu ni bwe nnaasigala nga tiri kujiira ku ndagaano eyo, nga neekolera byange.’ Okukola ekyo, kuba kuleetera abalungi n'ababi okuzikirira aghazira kubitiza.

Abaheburayi 9:27

Era nga buli muntu bw'ali n'okufa omukuzi omulala, era ng'amaze okufa n'asalirwa omusango,

Yoshua 7:21

mu bintu bye twanhaga nabonamu ekivaalo ekiboneka obulungi einho, nga kyakolebwa e Babilonia. Naabonamu ni kilo ng'oti ibiri edha feeza, n'ekitundu ekya kilo ekya zaabu, naabyegomba era naabitwala. Ebintu ebyo mwidha kubyagaana nga nabiziika mu weema yange, nga feeza n'eri ghansi.”

2 Petero 3:7

Era olw'ekibono kyene ekyo, eigulu n'ensi ebirigho buti Katonda abikuuma nga bya kwokebwa muliro. Abikuuma okutuusa ku lunaku olw'okusalirwaku omusango n'okuzikiriza abo abatatya Katonda.