Omulangirizi 11:8 - Baibuli Ekibono kya Katonda 2014

⁸ Omuntu bw'aghangaala emyaka emingi, agwaine agisanhukirengamu gyonagyona. Aye ate aidhukirenga ng'enaku edh'okuba mu kizikiiza ng'afiire dhija kuba kamaala. Ebyo byonabyona ebiriidha biziramu muganhulo.

Omulangirizi 11:8 ပူးပေါင်းရင်းမြစ်များ

Yobu 10:21

nga nkaali kuja mu nsi eyo ey'ekinsense n'enzikiiza etiisa einho, ye ntaja kuva naire;

Yobu 10:22

ensi egemye enzikiiza bedimudimu, eidhwire okutabukatabuka, era obutangaavu ye buli ng'oti nzikiiza.”

Yobu 14:10

Aye omuntu afa yaaweeramu irala; bw'agheera ogw'enkomerero aba nga takaaligho.

Yobu 14:12

n'omuntu atyo bw'afa, yaagalaamirira obutasituka. Taja kwira ngulu naire, oba okuzuusibwa mu ndoolo dhe ng'eigulu likaaligho.

Yobu 15:23

Atambula eyo atyo ng'anoonia k'anaalya, nga yeebuuza y'anaakaagaana. Aidhi ati olunaku olw'enzikiiza lumukyereire.

Yobu 18:18

Balimutoola mu butangaavu baamubingira mu nzikiiza, ave mu nsi y'abalamu.

Zabbuli 49:20

Ebitiibwa by'omuntu tibimulobera kufa, awaagho ng'ensolo bwedhiwaagho.

Omulangirizi 11:2

Ebintu byo obigabirangaku abantu abagheraku, ng'oti musanvu oba munaana, kuba tosobola kumanha kizibu kija kukugwira ku nsi kuno.

Omulangirizi 2:15

Olwo naakoba mule nti: “Ekituuka ku musiru n'ekija okutuuka ni ku nze, kale nabeerera ki omugezi einho ntyo?” Kyenava ni nkoba mule nti ekyo kyona muzira muganhulo,

Omulangirizi 2:17

Kale naakyagha obulamu, kuba kiisi ekikolebwa ku nsi kiinumya bulumye. Byonabyona biziramu muganhulo, biri ng'oti kubinga mpewo ogigeme.

Omulangirizi 2:19

Ate nga waire ghazira aidhi, oba omuntu oyo aja kuba mugezi oba musiru, aye era oyo n'aja okwefuga ebyo bye nfaabiikaniire ku nsi nga nkozesa amagezi gange. Ekyo kyona muzira muganhulo.

Omulangirizi 2:26

Omuntu asiimya Katonda, Katonda amugha amagezi n'okumanha era n'eisanhu, aye omwonooni Katonda amugha gwa kusoloza nga bw'atereka obukombe, amale abughe oyo asiimya Katonda. Ekyo kyona muzira muganhulo, era kiri ng'oti kubinga mpewo ogigeme.

Omulangirizi 4:16

Abantu kyabazinga b'afuga baba kamaala inho abatabalika, aye bw'afa ezira aidhukira kumusiima olw'ebyo bye yabakoleranga. Bwenebwene ekyo kyona muzira muganhulo, era kiri ng'oti kubinga mpewo ogigeme.

Omulangirizi 4:8

Ghabaagho omuntu aziraku mwana oba muganda we, aye nga buli kiseera ayenda kweyongera kufuna bya bukombe. Nga tiyeebuuzaaku ati: “Ndi kufaabiikanira ani, ni ndoba okwesanhusa?” Ekyo kyona kiziramu muganhulo, era kireeta n'enaku.

Omulangirizi 6:11

Omuntu y'akoma okwogera ebingi, ni by'ayogera ye bikoma obutabaamu makulu. Kale ekyo omuntu kimugasa ki?

Omulangirizi 6:6

atafunie isanhu mu bulamu bwe waire ng'aba aghangaire emyaka enkumi eibiri (2,000), kuba era bombi baja mu kifo kirala ekyo.

Omulangirizi 7:14

Olunaku ebintu lwe bikujiiriire obukalamu, osangaalanga, ate lwe bikujiiriire obubi, oidhukiranga oti: Katonda naataagho ebyo byombi, olwo abantu balobenga kumanha biribaagho.

Omulangirizi 8:12

Aye waire ng'omwonooni asobola okukola ebibi emikuzi kamaala ate yaaghangaala inho, nze ndidhi nti abo abatya Katonda baidha kubanga bukalamu olw'okumutya.

Omulangirizi 8:15

Kale nze mbona ng'omuntu agwaniire okwesanhusanga kuba ku nsi kuzira kirungi kindi okutoolaku okulya, n'okunhwa, n'okwesanhusa. Eryo n'eisanhu omuntu ly'aba nalyo mu kiseera eky'obulamu bwe kyonakyona Katonda ky'amugha ng'ali mu kufaabiikana ku nsi.

Omulangirizi 9:7

Kale ja olye emere yo ekuwoomere, onhwe omwenge gwo ogw'emizabbibu osangaale, kuba Katonda ekyo kye yakutegekera.

Yeremia 13:16

Mughe Musengwa Katonda waimwe ekitiisa ng'akaali kuleeta nzikiiza ni mwekontola ku nsozi. Era nga n'obutangaavu bwe mwasuubira akaali kubufuula nzikiiza eri bedimudimu.

Yoeli 2:2

Luliba lunaku nga lwa kifu era nga lwa kazigizigi, olwidhwire ebire ebyereere ku igulu n'enzikiiza agemye bedimudimu! Eigye eikologho ery'enzige liiryo liri kwidha, nga libuutikiire ensozi ng'oti nzikiiza. Tighabangaghooku nzige dhaaga n'edho bungi, era tidhiribaagho kabiri ebyanda n'ebyanda.

Matayo 22:13

Agho kyabazinga yaakoba abagheereza ati, ‘Mumusibe amakono n'amagulu mumusuule ku luya mu kizikiiza eri okugegenga n'okuluma emba olw'obulumi obubitirivu.’

Yoanne 12:35

Yesu yaabairamu ati: “Ekimuliikirira kiriku mu imwe entangama. Mutambule nga mukaali n'ekimuliikirira, tomanha nzikiiza bw'ebaagaana. Kuba atambula mu nzikiiza tamanha y'aja.

Amateeka Agokubiri 32:29

Ngoli baali n'amagezi banditegeire ekibaleeteire abazigu okubaghangula.

Yuda 1:18

Baabakobera bati: “Mu biseera eby'enkomerero ghalibaagho abantu abatatya Katonda, abajiira ku kwegomba okw'emibiri gyaibwe, abalibaleetera okufuuka enseko dh'abalamu.”