Omulangirizi 11:10 - Baibuli Ekibono kya Katonda 2014

¹⁰ Weewonienga ebyo ebikweraliikiriza mu mwoyo, n'ebyo ebikuleetera okulumizibwa mu mubiri, kuba okuba omuto n'okuba omwisuka, byombi biziramu muganhulo.

Omulangirizi 11:10 ပူးပေါင်းရင်းမြစ်များ

Yobu 11:12

Tikiribaagho bantu basiru kutegeera, ng'oti bwekitalibaagho endogoyi edh'omu nsiko okuzaala endogoyi enfuge.

Yobu 13:26

Onumiriza emisango emikakali, wanvunaana n'ensobi edh'omu buvubuka bwange.

Yobu 20:11

Amaani g'abaire ali nago mu buvubuka, aligalaamirira nago mu nkungu.

Zabbuli 25:7

Otaidhukira bibi byange na bisobyo byange eby'omu, buto aye olw'okugonza kwo okungi, n'olw'obulungi obw'eriina lyo, nze ondidhukiranga.

Zabbuli 39:5

Bona, enaku dhange wadhikola nga nhimpi inho mu maiso go, obulamu bwange buli ng'akantu akazira ghe kaaga. Bwenebwene buli muntu ali ku nsi, ali ng'oti muuka buuka gwa mu nhindo!

Zabbuli 39:6

Buli muntu ali ng'oti kinsense! Atawuka, yaazunga, aye nga byonabyona bya bwereere. Omuntu atakabana okufuna eby'obukombe, aye nga taidhi aja kubitwala.

Ensambo 22:15

Kiri mu butonde obw'omwana omuto okukola eby'ekisiru, aye omwigo gubimutoolamu.

Omulangirizi 1:14

Nalingirira ebintu byonabyona ebikolebwa ku nsi, naabona nga byonabyona biziramu muganhulo, nga kuli ng'oti kubinga mpewo ogigeme.

Omulangirizi 1:2

Ghazira kintu kiri na muganhulo, bwenebwene ebintu byonabyona biziramu muganhulo naire.

Omulangirizi 12:1

Idhukiranga Omutonzi ng'okaali mwisuka, enaku embi nga dhikaali kutuuka n'emyaka nga gikaali kutuuka mw'olikobera oti: “Tikaanhumirwa bulamu.”

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

2 Timotheo 2:22

Agho ni lekanga ebitwaliriza abaisuka byonabyona, okolererenga obutuufu, okwikiriza, okugonza, n'emiraala nga weeyimbye n'abo abasinza Musengwa n'omwoyo omunaabuufu.