Omulangirizi 10:19 - Baibuli Ekibono kya Katonda 2014

¹⁹ Okulya emere kuleetera abantu okusanhuka, n'okunhwa omwenge kwaleetera obulamu okusangaala, aye empiiya n'edhigula buli kintu.

Omulangirizi 10:19 ပူးပေါင်းရင်းမြစ်များ

Amainhama 43:34

Yosefu yaabagheereza ebimegero okuva ku mere eyali mu maiso ge. Aye ekimegero kye yagha Benjamini kyasingaku ebya bale abandi obunene emikuzi etaanu. Kale baanhwa era baasagambira ghalala ni Yosefu.

2 Samueli 13:28

Agho Abusalomu yaalagira abagheereza be ati: “Mugenderere Amunoni gh'anaabeera ng'atamiire omwenge, nze ndidha kubalagira nti, ‘Mumufumite’, ng'olwo mumwita. Mutatya, kuba ninze naaba mbalagiire. Mugume emyoyo, mutabaamu ntete naire.”

1 Ebyomubyanda 21:24

Aye kyabazinga Daudi yaakoba Orunani ati: “Busa, ndidha kubigula bugule n'omughendo gwene ogubijaamu. Tiidha kutoola kintu kikyo kukigha Musengwa Katonda, waire okughaayo ekigheebwayo ekyokebwa eri Musengwa Katonda wange kye ntaguze na mughendo kuva mu nsawo yange.”

Ezera 1:6

Abantu be baabanga nabo aghalala, baabayamba nga babagha ebintu ebya feeza, ni zaabu, n'ebintu ebindi, n'ensolo, n'ebintu eby'omughendo einho, nga kw'otaire n'ebigheebwayo eby'ekyeyendere.

Nehemia 5:8

Agho naabakoba nti: “Tukoze inho nga bwe tusobola, twanunula baganda baife, Bayudaaya banaife, okubatoola mu maghanga agandi ye baatundibwa. Aye mperaano mwena muli kutunda baganda baife abo, ife beene tubagule!” Abakulembeze abo baasiriikirira ng'eky'okwogera kibabuze.

Zabbuli 104:15

Afune n'omwenge ogw'emizabbibu ogumusangaaza, n'omuzigo ogw'ebibala eby'emiti emyoliva ogumusanhusa, era afune n'emere emugha amaani mu mubiri.

Zabbuli 112:9

Agabira abaavu na mwoyo mulala, era ekisa kye tikimuwaaku, aidha kusiimibwanga Katonda era agheebwenga ekitiibwa ebyanda n'ebyanda.

Omulangirizi 2:3

Naanoonereza inho n'amagezi, naalowooza ku ky'okwesanhusa nga nhwa omwenge gw'emizabbibu, mbe ng'omusiru bw'akola. Nga nkoba nti oba katyo, ekyo abantu kye bagwaine okukola ku nsi mu nnaku entono edho, dhe bamala ku nsi nga balamu.

Omulangirizi 9:7

Kale ja olye emere yo ekuwoomere, onhwe omwenge gwo ogw'emizabbibu osangaale, kuba Katonda ekyo kye yakutegekera.

Isaia 23:18

Ebirivanga mu kusuubula kwakyo, balibighangayo byaba bya Musengwa Katonda. Abantu abasinza Musengwa Katonda balibikozesanga okugula emere n'engoye bye beetaaga, mu kifo ky'okubitereka ni byebunga obwa agho.

Isaia 24:11

Abantu baasiikanira bwa mu nguudo olw'okubulwa omwenge gw'emizabbibu. Amasanhu goonagoona gaamala okutuuka ghe gakoma, era okusagamba mu nsi kwamala okukomezebwa.

Matayo 17:27

Aye obutabanhiiza ja osuule eirobo mu nhandha, era ekyenhandha ky'onaagemya okusooka okitoole okyasamye omunwa. Oidha kwagaanamu empiiya ndala ogitoole ogibaghe, weesasulire era osasulire ninze.”

Matayo 19:21

Yesu yaamukoba ati: “Oba ng'oyenda okuba atuukiriire, ja otane ebibyo, oghe abaavu, era oidhe onnonereze, obukombe oliba nabwo mu igulu.”

Luka 12:19

Era olwo nkobe omwoyo gwange nti: Mwoyo gwange, ofunie ebirungi kamaala, wuumula, olye, onhwe osagambe.’

Luka 16:9

“Era ka mbakobere: Mwefunire emikwano mu bukombe buno obw'ensi, kuba ni bwe buliwaagho, balibasangaalira mu bulamu obw'ebyanda n'ebyanda.

Luka 8:3

ni Yoanna muka Kuza omughanika wa Herode, ni Susanna, n'abandi kamaala abaatoolanga ku byaibwe okuyamba Yesu n'Abeegeresebwa be.

Ebikolwa by'Abatume 11:29

Aboluganda baasalagho kiisi muntu agheeyo nga bw'aghanga olw'okulumuukirira aboluganda abaali mu Buyudaaya.

Ebikolwa by'Abatume 2:45

Baatundanga eitaka n'ebyaibwe, ebyavangamu baabigabananga boonaboona, nga bajiira ku bwetaavu bwa buli muntu.

1 Petero 4:3

Mu biseera ebyabita mwali n'obwire obumala okukola ebyo abantu ab'ensi bye benda. Mwemaliranga mu bwenzi, mu bukaba, mu butamiivu, mu kuja ku bibinuko ebibi, ni mu kusinza ebintu ebitali Katonda ebyenhinhalwa.

Abalamuzi 14:10

Ise yaaja mu maka g'omughala, era Samusoni yaakolerayo embaga, kuba abaisuka abaabayizanga, batyo bwe baakolanga.

Abalamuzi 9:13

Aye omuti omuzabbibu gwairamu guti, ‘Ndekeyo okuvaamu omwenge gwange ogusangaaza emisambwa n'abantu, ndhire mu kufuga obw'emiti?’

1 Samueli 25:36

Abigaili yairayo ye Nabali, yaamwagaana ng'afumbye embaga ey'amaani mu ndhu ye embaga eyo ng'eri ng'oti ya kyabazinga. Yali atamiire inho era nga musangaavu inho. Kale Abigaili yaaloba kumukobera kintu kyonakyona okutuusa bwe bwakya enkyo.