Omulangirizi 10:16 - Baibuli Ekibono kya Katonda 2014

¹⁶ Ensi eba ekagwireku, bw'eba n'omufuzi nga mwana muto, ate nga abakungu baayo bawuuna buwuune mu binhumo.

Omulangirizi 10:16 ပူးပေါင်းရင်းမြစ်များ

1 Bakyabazinga 12:11

Kale ni oba nga lata wange yabakaluubiriza ekibitiriire, nze ndidha kwongera bwongere okubakaluubiriza einho. Era oba nga lata wange yabakangaivulanga ng'abakubisa enkoba edhabuliidho, nze ndidha kubakangaivulanga nga mbakubisa enkoba edhiriku obusuna!’ ”

2 Ebyomubyanda 13:7

Abantu abazira kye bagasa baidha beeyimba naye, baanhooma Rehoboamu mutabane wa Solomoni era baamweyawulaku, alobe kuba kyabazinga waibwe. Rehoboamu oyo yali akaali muto, ng'azira bumanhirivu obumusobozesa okubalobera okukola ekyo.

2 Ebyomubyanda 36:11

Zedekia yali agheza emyaka abiri na mulala egy'obukulu ghe yafuukira kyabazinga. Era yaafugira entangama ya myaka ikumi na mulala mu Yerusalemu.

2 Ebyomubyanda 36:2

Yehoahazi yali agheza emyaka amakumi abiri n'esatu egy'obukulu ghe yafuukira kyabazinga wa Buyudaaya. Era yaafugira entangama ya myezi esatu mu Yerusalemu.

2 Ebyomubyanda 36:5

Yehoiakimu yali agheza emyaka amakumi abiri n'etaanu egy'obukulu ghe yafuukira kyabazinga wa Buyudaaya. Era yaafugira entangama ya myaka ikumi na mulala mu Yerusalemu. Yaakolanga ebibi ebitaasiimya Musengwa Katonda we.

2 Ebyomubyanda 36:9

Yehoiakini yali agheza emyaka munaana egy'obukulu ghe yafuukira kyabazinga wa Buyudaaya. Era yaafugira entangama ya myezi esatu n'enaku ikumi mu Yerusalemu. Yaakolanga ebibi ebitaasiimya Musengwa Katonda.

Ensambo 28:16

Omufuzi aziramu kategeera anhigiriza b'afuga n'obukambwe, aye ole akyagha amagoba agava mu kukupankupania aghangaala.

Omulangirizi 10:15

Omusiru by'akola bimukooya inho, yeerabira n'engira eja mu kibuga.

Isaia 3:12

Abantu bange batuntuzibwa abaana obwana, era abakazi obukazi baabafufunkiriza. Imwe abantu bange, bwenebwene abakulembeze baimwe babakiidhamya, baabaleetera okudaaliima.

Yeremia 21:12

“Imwe baidhukulu ba Daudi, muwulirise nze Musengwa Katonda bye nkoba: Musalenga emisango mu mazima buli lunaku. Omuntu ye bakiriga mumuwonienga ole amukiriga. Olwo ekiruyi kyange kirobe kutumbuka ng'oti n'omuliro omuntu gw'atasobola kuzikiza, olw'ebibi bye mukola.