Omulangirizi 10:14 - Baibuli Ekibono kya Katonda 2014

¹⁴ Omusiru afukumula ebibono ebitawa. Ghazira muntu aidhi biri kwidha, era ghazira asobola kukobera muntu biribaagho ng'omuntu oyo aviiregho.

Omulangirizi 10:14 ပူးပေါင်းရင်းမြစ်များ

Yobu 34:37

Ku bibi bye ayimbiraku n'obudheemu, yaanhooma Katonda nga tubona era yaamwogeraku ebibono ebitakutuka.”

Yobu 35:16

By'okoba biziramu nsa; by'oyogera tobiidhi.”

Ensambo 10:19

Mu kwogera ebibono ebingi timubulamu kwonoona, kale omuntu afuga omunwa gwe aba mugezi.

Ensambo 15:2

Omugezi ayogera ebigwaniire, aye omusiru alokompoka busiru bwereere.

Omulangirizi 10:15

Omusiru by'akola bimukooya inho, yeerabira n'engira eja mu kibuga.

Omulangirizi 3:22

Kale naabona ng'omuntu kye yandikoze ekisinga, kyandibaire kya kweyagalira mu ebyo by'akoze. Ogwo nga n'omugabo gwe. Kuba naani asobola okumwiza okubona ebija okubaagho nga mwene amaze okufa?

Omulangirizi 5:3

kuba y'okomya okwetawula mu bintu kamaala, y'okomya n'okuloota. Era y'okomya okwogera einho, y'okomya n'okwoleka bw'oli omusiru.

Omulangirizi 6:12

Bwenebwene naani aidhi omuntu ky'agwaniire okufuna mu bulamu bwe obumpi butyo obuziramu muganhulo, era obubitagho obubite ng'oti kinsense? Era naani asobola okukobera omuntu ebiribaagho ku nsi, ng'omuntu oyo aviiregho?

Omulangirizi 7:14

Olunaku ebintu lwe bikujiiriire obukalamu, osangaalanga, ate lwe bikujiiriire obubi, oidhukiranga oti: Katonda naataagho ebyo byombi, olwo abantu balobenga kumanha biribaagho.

Omulangirizi 8:7

Omuntu tamanha kija kubaagho, era ghazira asobola kumukobera bwe kija kuba.

Omulangirizi 9:1

Ebyo byonabyona nabirowoozaaku inho era naabyekebeedha, naabona nga Katonda n'afuga abatuufu n'abagezi, n'ebyo bye bakola. Aye tibasobola kumanha oba nga Katonda oyo abagonza oba abakyagha. Ebintu byonabyona ebija okubatuukaku ye bwidha biziramu muganhulo

Ezekieli 35:13

Era naawulira ebibono byaimwe ebibi kamaala bye mwandhogeraku n'eminwa gyaimwe nga muli kuneekudumbalizaaku.”