Omulangirizi 10:13 - Baibuli Ekibono kya Katonda 2014

¹³ Omusiru bw'atoolera okwogera, by'akoba biba bya kisiru, era ku nkomerero biba bya kiralu kyene.

Omulangirizi 10:13 ပူးပေါင်းရင်းမြစ်များ

2 Samueli 19:41

Abaisiraeli boonaboona baaja ye kyabazinga baamukoba bati: “Lwaki baganda baife ab'omu kika kya Yuda baakutwibaku ni bakusomosa omwiga Yorudani iwe Isebantu kyabazinga, n'ab'endhu yo, n'abantu boonaboona be wali nabo?”

2 Bakyabazinga 6:27

Kyabazinga yaamwiramu ati: “Musengwa Katonda mwene bw'ataakuyambe, nze nnaatoola gha eby'okukuyamba, ate nga zeena mu kifo aghakubirwa engaano nzirayo ka kulya, waire mu kikunhiro eky'omwenge gw'emizabbibu okubaayo n'ak'okunhwa?”

2 Bakyabazinga 6:31

Kyabazinga oyo yaakoba ati: “Katonda agwananga yambonereza n'obukambwe, Elisha mutabane wa Safati bwe bataamutemeku mutwe olwaleero.”

Ensambo 13:16

Omuntu omugezi asooka kulowooza memale yakola ekintu, aye omusiru ayanika obusiru bwe.

Ensambo 29:9

Omugezi bw'atakana n'omusiru, omusiru asungughala yeesesasesa era yaaloba kusirika.

Omulangirizi 10:14

Omusiru afukumula ebibono ebitawa. Ghazira muntu aidhi biri kwidha, era ghazira asobola kukobera muntu biribaagho ng'omuntu oyo aviiregho.

Omulangirizi 5:2

Toyanguyirizanga kwogera n'osuubiza Katonda kintu, kuba Katonda ali mu igulu ate iwe oli ku nsi. Kale oyogeranga bitono

Omulangirizi 7:25

Agho neemalira ku kunoonereza, nsobole okufuna n'okumanha amagezi, era ntegeere ebintu byonabyona nga bwe biri. Olwo mmanhe ng'omuntu okuba omubi kiba kya busiru, era ng'obusiru buli ng'oti iralu lyene.

Matayo 2:16

Agho Herode bwe yategeera nga bamutebwike, yaasungughala ekibitiriire era yaalagira okwita abaana abalenzi boonaboona ab'emyaka ebiri n'okwika ghansi abaali mu Bethelehemu n'ebiketezo ebikiriinaine, okusinziira ku biseera bye yali amaze okukakasa obukalamu n'abasaadha bale.

Luka 11:38

Omufarisaayo kyamwewuunhisa inho okubona nga Yesu atyaime ku kiiwulo nga tanaabye.

Luka 6:11

Aye bale baidhula obusungu, era beekobaana ku kye babe bakole Yesu.

Luka 6:2

Abandi ku Bafarisaayo baakoba bati: “Lwaki mukola ekitaikirizibwa ku Sabbato?”

Yoanne 12:10

Olwo Bakabona Abakulu baasala olukwe okwita ni Lazaro.

Abalamuzi 14:15

Ku lunaku olwokuna, baakoba muka Samusoni bati: “Sendasenda balo atwitire ekikoiko ekyo. Bw'otaakole otyo, twidha kukwokya iwe n'ab'endhu ya lata wo. Mwatweta okwidha ghano, kutwavughaza?”