Omulangirizi 10:12 - Baibuli Ekibono kya Katonda 2014

¹² Omugezi by'ayogera bimuleetera okufuna ekitiibwa, aye omusiru by'ayogera bimuzikiriza buzikirize.

Omulangirizi 10:12 ပူးပေါင်းရင်းမြစ်များ

2 Samueli 1:16

Daudi yaakoba Omuamaleki oyo ati: “Niiwe mwene oweereeteire okufa, kuba omunwa gwo gwene n'ogughaire obudhulizi obukulumiriiza, ng'okoba oti, ‘Naita omuntu wa Musengwa Katonda eyasiigibwa omuzigo.’ ”

Yobu 16:5

Nandyogeire ebibagumya na munwa bunwa gwonka, era bye nandibakobye obukobe byandibamaze okubawoleezaaku ku bulumi bwaimwe.”

Zabbuli 140:9

Waire baneezungulwire, otabaganha kumpangula; ebibi bye bandhogeraku byonabyona ka bibairirengaku.

Zabbuli 37:30

Omunwa ogw'omuntu omutuufu gwogera bya magezi, era olulimi lwe lwogera bituufu.

Zabbuli 64:8

Aja kubazikiriza olw'ebibono byaibwe bye boogera. Boonaboona abalikibona baja kutengeesa emitwe nga beewuunhia.

Ensambo 10:10

Ole agisa amazima ku muntu amuleetera obuzibu, aye ole anenia omuntu maiso ku maiso amuleetera emiraala.

Ensambo 10:8

Abantu abali n'okutegeera bawulira bye babalagira, aye abaziramu kategeera bazikirira.

Ensambo 12:18

Omuntu ayogera nga tasoose kulowooza, ebibono bye bifumita ng'oti mpiima, aye ebibono ebyogerwa n'amagezi biwonia.

Ensambo 15:2

Omugezi ayogera ebigwaniire, aye omusiru alokompoka busiru bwereere.

Ensambo 15:23

Okwiramu ekituufu kusanhusa omuntu, era ekibono ekyogerwa mu kiseera ekigwaine kiba kirungi inho.

Ensambo 19:5

Omuntu agha obudhulizi obw'obuguya aja kubonerezebwa, era oyo ayogera eby'obulimba azira gh'aliwonera.

Ensambo 22:11

Omuntu ayenda okuba n'omwoyo omunaabuufu, era nga by'ayogera bya kivunika, n'aliba mukagwa wa kyabazinga.

Ensambo 26:9

Omusiru okukozesa ensambo kuba kudaagira bwereere, ng'oti n'omutamiivu okugezaaku okwetundula eiwa mu ngalo.

Ensambo 31:26

By'ayogera bya magezi, era agalagira abantu n'ekivunika.

Omulangirizi 12:11

Abantu abagezi bye boogera byogi, ng'oti n'oluti olusongovu omwayi lw'akozesa okusindiikiriza ente okutambula. Ate ensambo edhaasolozebwa dhisigala nga dhikaaligho, ng'oti n'omusumaali gwe baakomerera ni guguma begulugulu. Era ensambo edho dhaatugheebwa Katonda, Omwayi waife atulabirira.

Omulangirizi 4:5

Ghaligho ensambo ekoba eti: Omusiru azingira emikono, okutuusa lw'atuuka okweisa endhala mwene.

Omulangirizi 5:2

Toyanguyirizanga kwogera n'osuubiza Katonda kintu, kuba Katonda ali mu igulu ate iwe oli ku nsi. Kale oyogeranga bitono

Omulangirizi 5:6

Otaganhanga munwa gwo kukuleeteranga kukola kibi, olwo omale okobe omukwenda wa Katonda oti tiwagenderera kukoba otyo. Lwaki okoba ebisungughaza Katonda n'omuleetera okuzikiriza bye wakolerera?

Omulangirizi 9:17

Omala gawulirisa omugezi by'ayogera empola empola, otawuliriisa mufuzi by'ayogera mu basiru ng'akaabuka.

Matayo 12:35

Omuntu omulungi, ku birungi by'abiika kw'atoola ebirungi, n'omuntu omubi, ku bibi by'abiika kw'atoola ebibi.

Luka 19:22

Yaamukoba ati, ‘Omugheereza omubi iwe, by'oyogeire kwe nnaasinziira okukusalira omusango. Wamanha oti ndi muzibu, ntwala ebitali byange, naakungula bye ntaasiga

Luka 4:22

Boonaboona baasiima era beewuunhia inho ebibono ebiwoomu ebyali bimuvaamu, era baakoba bati: “Ono ti n'omwana wa Yosefu?”

Ab'Efeso 4:29

Eminwa gyaimwe girobenga kwogera bibono bitasaana, aye gyogerenga ebyo byonka ebikalamu ebizimba era ebisaine, bisobole okuleetera ababiwulira emikisa.

Ab'e Kolosai 4:6

Mu kwogera mukozesenga ebibono ebiwooma era ebigwaine, nga kiisi abuuza mwidhi eky'okumwiramu.