Olwembo 8:9 - Baibuli Ekibono kya Katonda 2014

⁹ Mwanhinaife oyo bw'anaaba ekisenge, twidha kumuzimbaku omunaala ogwa feeza. Aye bw'anaaba olwigi, twidha kumukomereraku embaawo edh'omuvule, abe munda mwadho.

Olwembo 8:9 ပူးပေါင်းရင်းမြစ်များ

1 Bakyabazinga 6:15

Munda mu isinzizo ku bimante kwonakwona, okuva ghansi okutuuka ku lubani, yaghembaku embaawo edh'emivule. Ate ghansi woonawoona yaayaliiragho embaawo edh'emiti emisipuressi.

Olwembo 1:11

Twidha kukukolerayo n'ebyamadholobera ebya zaabu, tubidholigedholige ni feeza.

Olwembo 2:9

Omugonzi wange ali ng'oti mpuuli, oba ng'oti mpongo nto. Bona ere, wuule ayemereire kuliya kw'endhu yaife. Ali kulengeza mu idinisa, yaabisa amaiso mu katimba kaamu.

Isaia 58:12

Mulizimba buyaaka ebifo eby'eira ebyayonoonebwa, mwaizaagho emisingi egy'ebyanda eby'eira einho, era mwamanhibwa nga niimwe abaalongoosa ni mwiza obuyaaka endhu edhaayonoonebwa.”

Isaia 60:17

Ndikuleetera zaabu mu kifo eky'okukuleetera ekyuma eky'ekikomo, naakuleetera feeza mu kifo eky'okukuleetera ekyuma ekigumu einho; naakuleetera ekyuma eky'ekikomo mu kifo eky'okukuleetera omuti, era naakuleetera ekyuma ekigumu einho mu kifo eky'okukuleetera amabaale. Ndireetera abakulabirira okubanga ab'emiraala aghazira kukunhigiriza; era naaleetera abo abakusalira amakatala, baakukoleranga ebituufu.

Isaia 61:4

Balizimba buyaaka ebifo eby'eira ebyayonooneka, era baizaagho buyaaka ebyo ebyali bifuuse ebifulukwafulukwa. Balirongoosa ebibuga ebyayonoonebwa ni bimala emyaka kamaala nga birekeibwa bw'agho bityo.

Matayo 16:18

Era zeena ka nkukobere, Petero, ‘Oli lubaale, era ku lubaale kuno, kwe ndizimba Ekikunsu kyange eky'Abaikiriza mu Kurisito n'emiryango egy'e magombe tigirikisobola naire.

Ebikolwa by'Abatume 14:27

Bwe baatuuka mu Antiokia baasoloza Ekikunsu ky'Abaikiriza mu Kurisito, baabakobera byonabyona Katonda bye yabakozesa era nga bw'alaze abamaghanga agandi engira ey'okwikiriza.

Ebikolwa by'Abatume 15:16

‘Ebyo nga biwoire, ndiira era ndizimba enhumba ya Daudi eyagwa. Ndigizimba mu kyanhe kyayo, naagiizaagho.

Amateeka Agokubiri 22:8

“Bw'onaazimbanga endhu ey'akasolya abantu kwe basobola okutyama, akasolya ako oidha kukeezunguluzanga olukomera. Olwo olobe kubangaku musango gwa kwita, bwe ghanaabangagho aghanukayo n'agwa.