Olwembo 8:6 - Baibuli Ekibono kya Katonda 2014

⁶ Gonzanga mulala nze zenka, onsibe ku omwoyo gwo ng'akamanhiso. Olobenga kugemerera wundi mu makono go okutoolaku nze zenka. Kuba okugonza kuli n'amaani agaagayaga n'ag'olumbe; eighali liri n'obukambwe obwagayaga n'obw'okufa. Okugonza kutumbuka ng'oti muliro gwene, kwayokya ng'oti n'omuliro oguli kubbeibbera ogw'amaani.

Olwembo 8:6 ပူးပေါင်းရင်းမြစ်များ

1 Ebyomubyanda 11:18

Agho abalwani bale abasatu ab'amaani baaja baaghaguza mu kifo Abafilisiti ghe baasimba weema dhaibwe, baasena amaadhi mu nsulo eyo, baagaleetera Daudi. Aye yaaloba kuganhwaku naire, yaagafukira Musengwa Katonda

Zabbuli 120:4

Mugwana kwitibwa na byogi, na kwokebwa kusiriira!

Zabbuli 63:1

Wo Katonda, niiwe Katonda wange, omwoyo guunumira iwe. Nhenda inho okuba gh'oli; ng'oti n'eitaka eikalu bwe lyetaaga maadhi.

Zabbuli 84:2

Neegomba inho okuba mu isinzizo lya Musengwa Katonda! Zeenazeena ndidhwire eisanhu, nga nhembera Katonda omulamu.

Okuvaayo 28:21

era nga bwe gali amabaale eikumi n'abiri, buli irala liidha kukolebwa ng'oti n'empeta ekozesebwa ng'akamanhiso, nga lighandiikiibwaku n'ekyuma ekisongovu eriina irala ku maina ag'abaana ba Yakobo, ku lw'ebika byaibwe eikumi n'ebibiri.

Ensambo 25:22

Bw'okola otyo olimuswaza, era Musengwa Katonda alikugha empeera.

Ensambo 6:34

Eiruba lifuula omusaadha okuba omukambwe einho, era bw'aba yeesasuuza tabaamu kusaasira naire.

Olwembo 5:8

Imwe abaghala ab'e Yerusalemu, ndi kubakoba mulayire, muti bwe munaabona omugonzi wange, munaamunkobera muti ndwaire olw'okumugonza einho.

Isaia 49:16

Bona eno iwe ekibuga Yerusalemu, nkoze ekifaananie kyo mu ngalo dhange, era ebisenge byo mbibona n'amaiso gange buli kaseera.

Yeremia 22:24

Musengwa Katonda akoba ati: “Nga bwendi omulamu, iwe kyabazinga Konia mutabane wa Yehoiakimu kyabazinga wa Buyudaaya, ni bwe wandibaire ng'oli mpeta eba ku lwala lwange ku mukono omusaadha, eriku akamanhiso ak'obwakyabazinga, era nandikutoireku.

Haggai 2:23

Ku lunaku olwo, ndikutwala iwe Zerubbabeli omugheereza wange era mutabane wa Shealutieli, naakutaagho ofuge mu liina lyange kuba niiwe ye nonze. Nze Musengwa Katonda Afuga Amagye, ninze nkobye.”

Zekaria 3:9

Bona, nja kuta mu maiso ga Yoshua eibaale nga liriku endhuyi musanvu, nditoneku n'ekighandiiko. Era nditoolagho ekibi eky'ensi eno mu lunaku lulala luti lwonka.

Okubala 25:11

“Finehasi mutabane wa Eleazari era nga mwidhukulu wa Aaroni kabona, alekeiza obusungu bwange okuba ku Baisiraeli. Agemeibwa enkikidi eyange ye ndi nayo ku bantu bange abo Abaisiraeli, yaaloba kuguminkirizaaku waire omulala ku bo, okusinza katonda atali nze. Kye nviire ni ntabazikiriza mu busungu bwange.

Okubala 5:14

Mperaano, iba oyo eibuba lisobola okumugema olw'okuba omukazi we oyo yeeyonoine, oba lyamugema olw'okumulowookezaamu obulowookeze okuba ng'ayenze, ni bw'aba nga bwenebwene tayenze.

Ebikolwa by'Abatume 20:24

Aye titwala bulamu bwange ng'ekintu eky'omughendo ye ndi. Ekikulu n'okutuukiriza olugendo lwange n'omulimo Yesu gwe yangemya ogw'okukobera abantu Amawulire Amalungi ag'ekisa kya Katonda.

Ebikolwa by'Abatume 21:13

Aye Paulo yairamu ati: “Mukola ki ekyo okulira n'okunafuya omwoyo gwange? Nze tiri mwetegefu kusibwa kyonka aye era n'okufiira mu Yerusalemu olw'eriina lya Musengwa Yesu.”

Ab'e Roma 12:20

Kale ni omuzigu wo endhala bw'emulumanga mughenga eky'okulya, era bw'abanga endiwo mughenga eky'okunhwa; kuba bw'okola otyo olimuswaza.

2 Ab'e Korintho 11:2

Mbawubira era nga Katonda bw'abawubira, kuba nabandhula ye Kurisito ng'omughala omwegha ye baja okugha iba omulala ati.

Amateeka Agokubiri 32:21

Bandeetera okuba n'enkikidi nga basinza ebitali nze Katonda, bansungughaza nga beesiga ebisinzibwa ebitali nze Katonda. Kale, zeena ndidha kubasaaliza nga numirwa abatali bantu bange. Ndidha kubasungughaza nga ngonza eighanga ery'abaziramu magezi.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

Okwolekebwa 12:11

Abo baamughangula n'omusaayi ogw'Entaama Ento n'olwamazima ge badhulira, obulamu bwaibwe baaloba kubufaaku waire okutya okufa.