Olwembo 8:5 - Baibuli Ekibono kya Katonda 2014

⁵ Naani oyo ali kwidha ng'aviira mu irungu, nga bagemagaine n'omugonzi we? Nasiikuula okugonza kwo nga ndi ghansi agh'omuti ogw'ebibala, agho mu kifo inhoko ghe yali mu kulumwa ng'akuzaala.

Olwembo 8:5 ပူးပေါင်းရင်းမြစ်များ

2 Ebyomubyanda 32:8

Mwene ali na igye lya bantu buntu, aye ife tuli ni Musengwa Katonda waife, nga n'atubeera era nga n'atulwaniragho entalo dhaife.” Agho abantu bairamu amaani olw'ebyo kyabazinga Hezekia owa Buyudaaya bye yabakoba.

Zabbuli 63:8

Neekalanguliire ku iwe, kuba onkuuma n'omukono gwo ogw'amaani.

Zabbuli 63:9

Aye abo abanoonia okuzikiriza obulamu bwange, baidha kwika ghansi abafu ye baja.

Olwembo 2:3

Ng'omuti ogw'ebibala bwe guba n'omuganhulo okusinga emiti egindi egy'omu kibira, n'omugonzi wange atyo bw'abasinga basaadha baine. Nnhumirwa okutyama mu kinsense eky'omuti ogwo, era ebibala byagwo bimpoomera inho.

Olwembo 3:11

Imwe abaghala ab'e Sioni, mwidhe mubone kyabazinga Solomoni, ng'avaire ku mutwe engule inhina ye yamuvaaza, ku lunaku lwe yafumbirirwaku, olunaku olwo lwe yafuniraku eisanhu eritaloodheka.

Olwembo 3:4

Aye mba naakamala okubabitaku nti, nga ndhagaana oyo ye ngonza. Naamugemerera, naaloba kumulekula, okutuusa bwe namutwala mu ndhu ya maama, mu kisenge kyenekyene eky'oyo eyanzaala.

Olwembo 3:6

Naani oyo ali kwidha ng'ava mu irungu, ng'ali ng'oti n'ekire eky'omwosi ekiri ng'oti mpango, nga bamusiize obuwoowo bwa mirra, baamuniokeza n'obubbaani, n'obuwoowo obwa buli nsambo abasuubuzi bwe batunda?

Olwembo 4:8

Omugole wange, idha tuje, tuve ku nsozi dh'e Lebanoni; idha tuje, tuve mu Lebanoni. Vaayo ku mutwe ogw'olusozi Amani, ove n'eyo ku mitwe egy'ensozi Seniri ni Herimoni, eri empologoma n'empala.

Olwembo 6:10

Nga bakoba bati: “Naani ono ali n'amaiso ng'oti n'endhuba eri kuvaayo, aboneka obulungi ng'oti mwezi, amesunkana ng'oti kwaka kwa ndhuba, ate atiisa ng'oti n'eigye erisitwike okulwana.”

Olwembo 8:1

Ha, kale ngoli wali mwanhinaze eyayonka ku mabeere ga maama, memale ni nkwagaana eyo ku luya, nandikunhwegeire ghaabulagho n'omuntu ankobaku.

Isaia 36:6

Bona, oli kwesiga ensi Misiri eri ng'oti n'olugada olumenhefu, olufumita engalo dh'oyo alugema n'alwesigamaku. Atyo kyabazinga w'e Misiri bw'ali y'abo abamwesiga.’ ”

Isaia 40:3

Ghaligho amamiro g'oyo alangirira ati: “Mutegeke Musengwa Katonda gh'anaabita mu nsi enkalukalu, mutereeze oluguudo lwa Katonda waife mu irungu.

Isaia 43:19

Mpegaano mulingirire mubone ekiyaaka kye nja okukola. Era nakitandiseeku ira. Timuli kukibona? Nja kutema oluguudo mu irungu, era nte n'emiiga mu nsi eyo enkalukalu.

Yeremia 2:2

“Ja olangirire eri ab'omu Yerusalemu boonaboona, oti Musengwa Katonda akoba ati, ‘Ndidhi nga bwe wali omwesigwa ng'okaali muto, era nga bwe wali n'okugonza ng'okaali mugole. Waanonerezanga nga tuli mu irungu, mu nsi ezira kintu kisigibwamu naire.

Hosea 12:4

Yalwana ni malaika yaaghangula, era yalira ng'asaba okugheebwa enkabi. Bwe yali e Betheli yabona Katonda era Katonda oyo yaayogera naye.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Yoanne 13:23

Omwegeresebwa oyo Yesu ye yagonzanga einho yali atyaime kumpi naye.

Ab'e Roma 7:4

Kale ni aboluganda, bwekiri kityo ye imwe. Mwafa mwayawukanira irala n'Amateeka kuba muli bitundu bya mubiri gwa Kurisito. Kale ni mperaano muli ba Kurisito oyo eyazuukira tusobole okukola obukalamu mu kugheereza Katonda.

Ab'e Galatia 4:19

Bwana bwange obugonzi, ng'omukazi bw'alumwa ng'azaala, zeena bwenumwa ku lwaimwe okutuusa Kurisito lw'alitondebwa mu myoyo gyaimwe.

1 Petero 1:21

Mu oyo mwe mubita okwikiriza Katonda eyamuzuukiza okuva mu bafu, naamugha ekitiisa, olwo okwikiriza kwaimwe n'okusuubira byaba nga biri mu Katonda.

Okwolekebwa 12:6

Omukazi yaalumukira mu irungu mu kifo Katonda kye yali amaze okumutegekera, bamulabirire eyo okumala entangama ya nnaku lukumi na bibiri na nkaaga (1,260).