Olwembo 8:2 - Baibuli Ekibono kya Katonda 2014

² Nandikutwaire naakwingiza mu ndhu ya maama, wandhegeresa okugonza nga tuli eyo. Nandikughaire waanhwa omwenge ogw'emizabbibu ogutabwirwamu ebiguwoomya, naakugha waanhwa n'omubisi gwe bakunhie mu mikomamawanga gyange.

Olwembo 8:2 ပူးပေါင်းရင်းမြစ်များ

Ensambo 9:2

Gaita ku nsolo dhaago olw'embaga, gaayiisa omwenge gwago ogw'emizabbibu, era gaategeka ekiiwulo.

Olwembo 3:4

Aye mba naakamala okubabitaku nti, nga ndhagaana oyo ye ngonza. Naamugemerera, naaloba kumulekula, okutuusa bwe namutwala mu ndhu ya maama, mu kisenge kyenekyene eky'oyo eyanzaala.

Olwembo 4:10

Mwanhinaze iwe omugole wange, engeri y'ongonzaamu ensanhusa inho. Engeri y'ongonzaamu ensanhusa inho okusinga okunhwa omwenge ogw'emizabbibu. Obuwoowo bwo buwunha bulungi okusinga obuwoowo obundi bwonabwona.

Olwembo 7:12

Ka tuwuune inho, tuje mu masamba ag'emizabbibu, tubone oba nga emizabbibu gitaireku ebituutwa, era nga gimuliisa n'okumulisa, era oba nga emikomamawanga gireese ekimuli. Eyo ye ndidha okukulaga nga bwe nkugonza.

Olwembo 7:9

Omunwa gwo bye gwogera biwooma ng'oti n'omwenge ogw'emizabbibu ogusingayo bulungi. Ogwo n'omwenge ogugwaniire okunhwebwa omugonzi wange, gumubite mu kanwa ni mu maino, gumughegheeze amamiro.

Olwembo 8:1

Ha, kale ngoli wali mwanhinaze eyayonka ku mabeere ga maama, memale ni nkwagaana eyo ku luya, nandikunhwegeire ghaabulagho n'omuntu ankobaku.

Yoanne 5:39

“Mwagaaza mu Byaghandiikibwa nga mudhuuba muti mu ebyo mwe munaafunira obulamu obutawaagho, ate nga Ebyaghandiikibwa byene ebyo bindhulira,

Ab'e Galatia 4:26

Aye Yerusalemu eky'omu igulu kiziramu bwiru era ni inhaife.

2 Timotheo 3:15

Era oidhukira ng'okuva mu buto bwo obaire oyegeresebwa Ebyaghandiikibwa Ebitukuvu ebisobola okukugalagira okukutuusa ku kulokolebwa olw'okuba n'okwikiriza mu Kurisito Yesu.

2 Petero 1:19

Tuja nga tweyongera okukakasa ebibono abalanzi bye baakoba. Mubitengaku omwoyo, kuba biri ng'oti n'eitaala eryaka mu nzikiiza okutuusa obwire lwe bulikya, emuunienie ey'oku nkyo n'evaayo, n'eyakira mu myoyo gyaimwe.

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.