Olwembo 8:14 - Baibuli Ekibono kya Katonda 2014

¹⁴ Omugonzi wange iwe, yangughaku oidhe ng'oti n'empuuli, oba ng'oti n'empongo ento ku nsozi edhimeraku ebiwoomesa emere.

Olwembo 8:14 ပူးပေါင်းရင်းမြစ်များ

Olwembo 2:17

Omugonzi wange, kyuka oire, obe eno ng'oti n'empuuli oba empongo ento bw'eba mu nsozi edh'e Betheli, okutuusa obwire bwe bunaakya buli kazikiiza nga kaweereiregho irala.

Olwembo 2:7

Imwe abaghala ab'e Yerusalemu, ndi kubakoba mulayire empuuli n'empongo edh'omu nsiko, muti timwidha kutabulatabula, waire okusiikuula okugonza kwaife, okutuusa nga ife beene twenze.

Olwembo 2:9

Omugonzi wange ali ng'oti mpuuli, oba ng'oti mpongo nto. Bona ere, wuule ayemereire kuliya kw'endhu yaife. Ali kulengeza mu idinisa, yaabisa amaiso mu katimba kaamu.

Olwembo 4:6

Ndidha kuja ku lusozi okuli akawoowo ka mirra, ni ku kasozi okuli akawoowo k'obubbaani, mbe eyo okutuusa obwire bwe bunaakya, n'enzikiiza n'ewaagho.

Luka 19:12

Kale yaabakoba ati: “Ghaaligho omusaadha ow'ekitiisa eyaja mu nsi ey'eghala afuulibwe kyabazinga memale aire.

Amateeka Agokubiri 12:15

“Aye mwidha kubanga ba idembe okwitira ensolo n'okuliira emamba yaadho woonawoona ghe munaabanga, era nga Musengwa Katonda bw'anaabanga ng'abaghaire. Abalongoofu n'abatali balongoofu banaabanga ba idembe okulya ku mamba eyo, ng'oti ni bwe balya ku y'empuuli n'ey'empongo.

Ab'e Filippi 1:23

Endhuyi dhombi dhimpaluza. Aye nga kye nhenda einho, n'okuva mu bulamu buno nje mbe ni Kurisito, kuba ekyo n'ekisingira irala bukalamu.

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.

Okwolekebwa 22:20

Akakasa bino, akoba ati: “Bwenebwene, ndi kwidha mangu.” Amiina. Idha Musengwa Yesu.