Olwembo 7:5 - Baibuli Ekibono kya Katonda 2014

⁵ Omutwe gwo guli ghaigulu bulungi ng'oti n'olusozi Karumeli. Enviiri dho dha kitiibwa ng'oti langi ya nakasooma. Obulungi bwo bwasaamiriza ni kyabazinga.

Olwembo 7:5 ပူးပေါင်းရင်းမြစ်များ

Amainhama 32:26

Yaakoba Yakobo ati: “Ndeka nje, kuba obwire buli kukya.” Yakobo yaakoba ati: “Tiidha kukuleka okutoolaku ng'ompaire enkabi.”

Zabbuli 68:24

Abantu boonaboona babona nga bw'otambula n'ekitiisa iwe Katonda, otambula iwe Katonda wange era kyabazinga wange, ng'oingira mu kifo kyo ekitukuvu.

Zabbuli 87:2

Musengwa Katonda agonza Yerusalemu okusinga ebifo ebindi byonabyona ebiri mu Isiraeli.

Ensambo 5:19

Aboneka bulungi ng'oti mpongo, era anhirira ng'oti mpuuli. Leka akusanhusenga enaku dhoonadhoona, era akugonzenga mu bwidhuvu.

Olwembo 1:17

emiti emivule gibe empango edh'omu ndhu yaife, ate emiti emisipuressi gibe embaawo edh'akasolya kaayo.

Olwembo 4:1

Ng'oboneka bulungi, iwe omugonzi wange! Bwenebwene oboneka bulungi. Amaiso go gali ng'oti ga njiibwa, nga gali mu kitambaala kyo kye weebwikiriire. Enviiri dho dhiikirira ku mutwe gwo ng'oti n'ekighaso eky'embuzi bwe kiikirira ku lusozi Gileadi.

Olwembo 4:4

Enkoto yo ndeeyi ng'oti munaala gwa Daudi, gwe baazimba okuterekangamu eby'okulwanisa. Erimu ekinhere ekiri ng'oti n'engabo olukumi (1,000), dhe baghaniike ku munaala okugwezunguluza.

Olwembo 5:11

Mu maiso ali ng'oti zaabu omukenenule, enviiri dhe dha mutere, ndhirugavu ng'oti ikoova.

Isaia 35:2

Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Mika 7:14

Wo Musengwa Katonda, ife abantu bo be weerondera okuba ababo ku bubwo, tulabirire ng'omwayi bw'agema omwigo n'alabirira entaama dhe. Waire tuli eyo twenka mu irungu, aye ensi etwezungulwire ngimu. Tuleke tuje tukozese ebiketezo by'e Bashani n'e Gileadi ebigimu obulungi nga bwe twakolanga eira.

Okubala 21:26

Heshiboni kyali nga n'ekibuga ekikulu ekya kyabazinga Sihoni ow'Abamori. Einhuma ere, Sihoni oyo yali nga yamala okulwanisa eyali kyabazinga wa Moabu, yaamunhagaku ekiketezo kye, okutuukira irala ku mwiga Arunoni.

Matayo 18:20

kuba ababiri oba abasatu ghe beesololeza mu liina lyange, zeena mbaagho agho ghagati waibwe.”

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Ab'Efeso 1:22

Katonda yata ebintu byonabyona mu bufuzi bwa Kurisito, yaamufuula omutwe ogw'ekikunsu eky'abamwikiriza mu byonabyona.

Ab'e Kolosai 1:18

Oyo n'omutwe ate Ekikunsu ky'Abaikiriza mu Kurisito n'omubiri gwe, oyo n'entoolerezo era n'omwigula nda mu kuzuukira memale abe emberi wa byonabyona.

Ab'e Kolosai 2:19

Oyo aba aviire ku Kurisito, omutwe. Ate ng'omutwe n'ogugemerera omubiri gwonagwona, nga gukozesa enkusakusa mu buli buyungiro, era omutwe n'oguliisa omubiri ni gukula nga Katonda bw'aba asiimye.

Okwolekebwa 1:14

Omutwe gwe n'enviiri byali bitukula ng'oti biviiri bya ntaama ebyeru, nga byeru ng'oti mugozi. Amaiso ge nga gaaka ng'oti muliro.