Olwembo 6:9 - Baibuli Ekibono kya Katonda 2014

⁹ nze omugonzi wange ali mulala yenka omulungi ng'oti njiibwa, era aziraku ghe yakyama naire. Oyo n'omwana omughala yenka ku inhina, era omugonzi einho ku inhina oyo. Abaghala boonaboona abamubonaku bamwesiimisa, ni bainhebantu n'abakazi ba kyabazinga abandi ab'embali boona bamusaaka.

Olwembo 6:9 ပူးပေါင်းရင်းမြစ်များ

Amainhama 30:13

Leeya yaakoba ati: “Ndi musangaavu, kuba abakazi baidha kundhetanga musangaavu.” Kyeyava n'amweta eriina Asheri.

1 Bakyabazinga 11:3

Yali n'abakazi be abambeedha nga baghera lusanvu, ate yaaba n'abakazi be ab'embali nga baghera ebikumi bisatu. Abakazi abo baakyusa omwoyo gwe,

Zabbuli 126:2

Ku matama twaidhula enseko, era twayemba nga tukuba n'emizira. Agho abantu abamaghanga agandi baakoba bati: “Musengwa Katonda abakoleire ebyewuunhisa.”

Zabbuli 45:9

Abandi ku bakazi ab'ebitiisa abali mu luya lwo, baana ba bakyabazinga, ku luuyi lw'omukono gwo omusaadha n'aghali inhebantu, ng'avaire ebya zaabu ole mwene ava mu Ofiri.

Olwembo 2:14

Oli ng'oti njiibwa eyeegisiisa mu ntanda edheeyatisa mu lubaale, mu nkompe edhiri mu nsozi. Leka nkulingirireku mu maiso, kuba muboneka bulungi. Era leka mpulire ku mamiro go ng'oyogera, kuba gawooma okuwulirisa.

Olwembo 5:2

Nali ntendwike, aye nga omwoyo gwange guli kuwulira. Agho naawulira ng'omugonzi wange ali kukonkona ku lwigi, ng'akoba ati: “Ndhiguliraagho, mwanhinaze iwe omugonzi wange, iwe aziraku ghakyamu naire era ali ng'oti njiibwa. Omutwe gwange n'enviiri dhange biboze n'omusulo.”

Okubala 23:9

Mbabona nga ndi ku ngulu ku nsozi enene, naabalengera nga ndi ku busozi obutono. Abantu abo bali eighanga eriba lyonka, eighanga eriteetabula na maghanga gandi.

Ab'e Galatia 4:26

Aye Yerusalemu eky'omu igulu kiziramu bwiru era ni inhaife.

Amateeka Agokubiri 33:29

Weesiimye iwe Isiraeli! Naani ali ng'oti niiwe, eighanga erirokolebwa Musengwa Katonda? Musengwa Katonda mwene n'engabo yo era n'empiima yo, oyo n'akugha obughanguzi. Abazigu bo baliidha nga bakweghemba obagemerwe ekivunika, era iwe olibaniinaku.”

2 Ab'e Thessalonika 1:10

Kino kiribaagho ku lunaku olwo lw'aliidha, abatuukirivu be ni bamugha ekitiisa, ni boonaboona abamwikiriza bamusaaka. Mwena muliba mu abo kuba mwaikiriza ebyo bye twabakobera.