Olwembo 6:4 - Baibuli Ekibono kya Katonda 2014

⁴ Iwe omugonzi wange, oboneka bulungi ng'oti n'ekibuga Tiruza, oboneka bulungi ng'oti n'ekibuga Yerusalemu. Ate otiisa ng'oti n'eigye erisitwike okulwana.

Olwembo 6:4 ပူးပေါင်းရင်းမြစ်များ

1 Bakyabazinga 14:17

Agho muka Yeroboamu yaasituka yaagolola, yaatuuka e Tiruza. Bwe yali ali kwingira ati mu mulyango gw'endhu, omwana yaafa.

1 Bakyabazinga 15:21

Kyabazinga Baasha bwe yawulira ebigwiregho, yaalekera agho okuzimba ekimante ekigumu okwezunguluza ekibuga Rama, yaaja yaaba e Tiruza.

1 Bakyabazinga 15:33

Agho mu mwaka ogwokusatu ogwa kyabazinga Asa nga n'afuga Buyudaaya, Baasha mutabane wa Ahiya yaafuuka kyabazinga wa Isiraeli yoonayoona, era yaafuga okumala entangama ya myaka amakumi abiri n'ena, ng'aba e Tiruza.

Zabbuli 48:2

Sioni olusozi lwa Katonda luleeyiriri era luboneka bulungi; ekibuga kya kyabazinga omukologho kisanhusa ensi yoonayoona.

Zabbuli 48:3

Katonda ayoleike nga mwene n'omukuumi w'ekibuga ekyo.

Zabbuli 50:2

Katonda oyo ayakaayakana ng'ali mu Sioni ekibuga ekituukiriire mu bulungi bwakyo.

Olwembo 1:15

Ng'oboneka bulungi iwe omugonzi wange! Bwenebwene oboneka bulungi. Amaiso go malungi ng'oti njiibwa.

Olwembo 1:5

Imwe abaghala ab'e Yerusalemu, nze ndi mwirugavu aye mboneka bulungi, ng'oti ni weema edh'e Kedari era ng'oti n'ensuubo edh'omu kisaagaati kya Kyabazinga Solomoni.

Olwembo 2:14

Oli ng'oti njiibwa eyeegisiisa mu ntanda edheeyatisa mu lubaale, mu nkompe edhiri mu nsozi. Leka nkulingirireku mu maiso, kuba muboneka bulungi. Era leka mpulire ku mamiro go ng'oyogera, kuba gawooma okuwulirisa.

Olwembo 4:7

Omugonzi wange, oboneka bulungi weenaweena! Oziraku kakyamu naire.

Olwembo 5:2

Nali ntendwike, aye nga omwoyo gwange guli kuwulira. Agho naawulira ng'omugonzi wange ali kukonkona ku lwigi, ng'akoba ati: “Ndhiguliraagho, mwanhinaze iwe omugonzi wange, iwe aziraku ghakyamu naire era ali ng'oti njiibwa. Omutwe gwange n'enviiri dhange biboze n'omusulo.”

Olwembo 6:10

Nga bakoba bati: “Naani ono ali n'amaiso ng'oti n'endhuba eri kuvaayo, aboneka obulungi ng'oti mwezi, amesunkana ng'oti kwaka kwa ndhuba, ate atiisa ng'oti n'eigye erisitwike okulwana.”

Okulira 2:15

Abantu boonaboona ababita ku kibuga ekyo, bakiziimuula era baakisekerera. Beesiimooza, baatengeesa emitwe nga bavuma ekibuga ekyo Yerusalemu, nga beebuuza bati: “Kino bwene n'ekibuga kye baayetanga ekituukiriire mu bulungi era ekyeyagazanga abantu ab'ensi yoonayoona?”

Zekaria 12:3

Mu kiseera ekyo ndireetera Yerusalemu okuba ng'oti n'eibaale eizito, nga kiisi ighanga erigezaaku okulibbeeda, lirumizibwa inho. Era amaghanga goonagoona ag'oku nsi galyeyimba gaakirumba.

2 Ab'e Korintho 10:4

Eby'okulwanisa mu lutalo lwaife ti bya nsi, aye n'ebyo ebiri n'amaani ga Katonda okuzikiriza amaani ag'omuzigu.

Ab'Efeso 5:27

olwo yeefunira Ekikunsu ky'Abaikiriza mu Kurisito eky'ekitiisa ekiri ng'omuntu aziraku kamyamya na nkokyo waire ekintu ekindi ekiri ng'oti n'ebyo, aye ekitukuvu era ekiziraku kikibulaku.

Okwolekebwa 21:2

Naabona ekibuga ekitukuvu, Yerusalemu ekiyaaka, nga kiika kiva mu igulu ewa Katonda, nga kiri ng'oti n'omugole ye bavaaziiza, eyetegeike okutwalibwa ewa iba.