Olwembo 6:2 - Baibuli Ekibono kya Katonda 2014

² Omugonzi wange ajiire mu nimiro ye omuli obuwoowo obw'omu mere. Ajiire kwayira eyo ebyayo bye n'okusolozaayo ebimuli ebyetebwa liri.

Olwembo 6:2 ပူးပေါင်းရင်းမြစ်များ

Olwembo 2:16

Omugonzi wange oyo, wange, zeena ndi wuwe. Ayayira ebyayo bye mu bimuli ebyetebwa liri.

Olwembo 4:12

Mwanhinaze iwe omugole wange, oli ng'oti nimiro ye baazimbaku ekisenge ni bagyezunguluza, era oli ng'oti nsulo eriku kuufulu, omuntu owundi y'atasobola kusenamu maadhi.

Olwembo 4:16

Iwe empewo eva ku luuyi olw'omukono omugooda olw'e buvandhuba, n'iwe empewo eva ku luuyi olw'omukono omusaadha olw'e buvandhuba, musituke mwidhe mufuuwe ku nimiro yange, akawoowo akagirimu kaje, kasansaanire woonawoona. Olwo omugonzi wange aidhe mu nimiro ye, alye ku bibala byayo ebirungi einho.

Olwembo 4:5

Amabeere go gombi gaboneka bulungi, ng'oti n'empuuli ento eibiri enongo, nga dhiri kuliira mu bimuli ebyetebwa liri.

Olwembo 5:1

Mwanhinaze iwe omugole wange, ndidhie mu nimiro yange, naasoloza obuwoowo bwange obwa mirra n'obuwoowo obundi, naalya ku mudheenene gwange ogw'endhuki ni ku bisasala byagwo, era naanhwa ni ku mwenge gwange ogw'emizabbibu ni ku mata gange. Imwe abagonzania, mulye era munhwe, munhwere irala mwigute omukwano.

Olwembo 5:13

Amatama ge gavaaku akawoowo ng'oti nimiro ya buwoowo bwa mere. Omunwa gwe guli ng'oti bimuli ebyetebwa liri, ebiri kutoonhologoka akawoowo ka mirra.

Olwembo 6:11

Agho nze naikirira, naatuuka mu nimiro ey'amaido ag'oku muti, okubona ebibala eby'omu kiiko nga bwe bimuliisa ekimuli, n'okubona oba nga emizabbibu gitaireku ebituutwa, era oba nga emikomamawanga gireese ekimuli.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 57:1

Omuntu akola ebituufu afa, era ghaaloba kubaagho ekyo akitaaku mwoyo omuntu atya Katonda yaatwalibwa, era ghaaloba kubaagho ekyo akitegeera. Aye ng'abantu abalungi abo baba bawonezeibwa akabi akandibaidhiire.

Isaia 58:11

Nze Musengwa Katonda mwene ndibakulemberangamu buli kaakyeire, naabagha ebirungi ebibamala obukalamu era naabaleetera okuba abagumu era ab'amaani. Mulibanga ng'oti n'enimiro ye bafukirira amaadhi, era ng'oti n'ensulo y'amaadhi etakala.

Isaia 61:11

Bwenebwene ng'eitaka bwe limeza ebimera, era ng'enimiro bw'ekuza bye bagisimbyemu, ni Musengwa Katonda atyo bw'alireetera obutuufu okumeruka mu bantu be, amaghanga goonagoona gaamutaamu ekitiisa.

Ezekieli 34:23

Ndidhiteeragho omwayi mulala yenka, ali ng'oti n'omugheereza wange Daudi. Oyo n'alidhirabiriranga ng'omwayi waadho.

Zefania 3:17

Musengwa Katonda waimwe, ali mu imwe. Oyo n'omulwanirizi abagha obughanguzi. Ku lwaimwe aidha kusagambanga n'eisanhu era olw'okugonza kwe aidha kubagha obulamu obuyaaka. Aidha kwembanga okwoleka nga bw'abasangaaliire,

Matayo 18:20

kuba ababiri oba abasatu ghe beesololeza mu liina lyange, zeena mbaagho agho ghagati waibwe.”

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Yoanne 14:3

Bwe ndimala okuja n'okubategekera ekifo ndiira naabatwala ye ndi, mwena mwaba ghe ndi.

Yoanne 17:24

Lata, kye neegomba n'okuba n'abo be wampa ghe ndi, babone ekitiisa kyange kye wampa, kuba wangonza nga n'ensi ekaali kutondebwa.

Okwolekebwa 7:17

Entaama Ento eri ghagati gh'ekityamo ky'obwakyabazinga, enaabalabiriranga ng'omwayi, yaabakulemberamu, okubatuusa ku nsulo edh'amaadhi ag'obulamu. Era Katonda alyeya buli iziga mu maiso gaibwe.”