Olwembo 6:11 - Baibuli Ekibono kya Katonda 2014

¹¹ Agho nze naikirira, naatuuka mu nimiro ey'amaido ag'oku muti, okubona ebibala eby'omu kiiko nga bwe bimuliisa ekimuli, n'okubona oba nga emizabbibu gitaireku ebituutwa, era oba nga emikomamawanga gireese ekimuli.

Olwembo 6:11 ပူးပေါင်းရင်းမြစ်များ

Amainhama 2:9

Musengwa Katonda yaameza mu nsi kiisi muti ogusanhusa okubona era omulungi okulyaku ebibala. Ghagati mu nimiro nga ghaligho omuti ogw'obulamu era ogw'okumanha obulungi n'obubi.

Amainhama 40:10

nga kuliku ensaga isatu. Olwamaze okuleeta amakaba guti, ng'omuzabbibu ogwo gumulisa ebimuli, gwayama obufaaganda bw'emizabbibu era bwayenga.

Olwembo 5:1

Mwanhinaze iwe omugole wange, ndidhie mu nimiro yange, naasoloza obuwoowo bwange obwa mirra n'obuwoowo obundi, naalya ku mudheenene gwange ogw'endhuki ni ku bisasala byagwo, era naanhwa ni ku mwenge gwange ogw'emizabbibu ni ku mata gange. Imwe abagonzania, mulye era munhwe, munhwere irala mwigute omukwano.

Olwembo 6:12

Naja okweidhuukiriza nga ndi kuloota, nga ndi mu kigaali eky'omu lutalo ghalala n'omugonzi wange.

Olwembo 6:2

Omugonzi wange ajiire mu nimiro ye omuli obuwoowo obw'omu mere. Ajiire kwayira eyo ebyayo bye n'okusolozaayo ebimuli ebyetebwa liri.

Olwembo 7:12

Ka tuwuune inho, tuje mu masamba ag'emizabbibu, tubone oba nga emizabbibu gitaireku ebituutwa, era nga gimuliisa n'okumulisa, era oba nga emikomamawanga gireese ekimuli. Eyo ye ndidha okukulaga nga bwe nkugonza.

Olwembo 7:13

Eyo oidha kuwunhiza akawoowo akava ku bimera ebyetebwa mandurake. Era ebibala byonabyona ebirungi biidha kuba agho ku mulyango gwaife. Omugonzi wange iwe, nkuleeteire ebisanhusa ebiyaaka n'ebikaire.

Mariko 11:13

Agho bwe yalengera omuti omutiini nga guliku amakaba, yaaja ghe guli abone oba ng'ayagaanaku akantu. Aye yaja okugutuukaku nga kuzira kantu, okutoolaku amakaba gonka kuba ebiseera tibyali bya mitiini.

Luka 13:7

Yaakoba omukozi ow'omu nimiro eyo ati, ‘Bona eno, buti emyaka giigino esatu mbaire nga ndhagala ku muti guno ebibala aye nga tyagaanaku. Gutemegho, lwaki gumala eitaka ery'obwereere?’

Yoanne 15:16

Ti niimwe abaanonda aye ninze eyabalonda era naabataagho okuja okwama ebibala, ebibala ebitawaagho. Era Lata anaabaghanga kyonakyona kye munaasabanga mu liina lyange.

Ebikolwa by'Abatume 15:36

Enaku bwe dhaabitagho, Paulo yaakoba Barunaba ati: “Twireyo tulambuule aboluganda mu kiisi kibuga ye twakobera abantu ekibono kya Katonda, tubone nga bwe bali.”