Olwembo 5:9 - Baibuli Ekibono kya Katonda 2014

⁹ Mukazi iwe asinga obulungi mu bakazi boonaboona, omugonzi wo kiki ekimuleetera okuba ow'endhawulo ku bandi? Kiki ekimufuula ow'endhawulo einho, memale otulayize otyo?

Olwembo 5:9 ပူးပေါင်းရင်းမြစ်များ

Zabbuli 45:13

abali n'obukombe obwa buli nsambo. Omumbeedha ali kwingira mu kisaagaati kya kyabazinga, aboneka bulungi inho, ebivaalo bye byakolebwa mu zaabu.

Zabbuli 87:3

Iwe ekibuga kya Katonda, ebintu eby'ekitiibwa kamaala bikwogerwaku.

Olwembo 1:8

Mukazi iwe asinga obulungi mu bakazi boonaboona, obwo toidhiiyo? Nonereza ebigere eby'ebyayo mwe bibita, oje oyayire embuzi dho agho okumpi n'eweema edh'abaayi.

Olwembo 2:7

Imwe abaghala ab'e Yerusalemu, ndi kubakoba mulayire empuuli n'empongo edh'omu nsiko, muti timwidha kutabulatabula, waire okusiikuula okugonza kwaife, okutuusa nga ife beene twenze.

Olwembo 6:1

Mukazi iwe asinga obulungi mu bakazi boonaboona, omugonzi wo ajiire gha, tukubeereku okumunoonia?

Isaia 53:2

Omugheereza wa Musengwa Katonda oyo yakulira mu maiso ga Musengwa Katonda, ng'oti n'ekisimbe ekito ekisimba emizi mu itaka eikalu. Yali agho atyo ng'aziraku kisikiriza naire: tiyaliiku munhiriro ogwandituleeteire okumulingirira, oba okuba omulungi mu mboneka, ekyandituleeteire okumwegomba.

Matayo 21:10

Bwe yangira mu Yerusalemu, ekibuga kyonakyona kyasaatira, eno nga bwe bakoba bati: “Naani oyo!”

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.