Olwembo 5:2 - Baibuli Ekibono kya Katonda 2014

² Nali ntendwike, aye nga omwoyo gwange guli kuwulira. Agho naawulira ng'omugonzi wange ali kukonkona ku lwigi, ng'akoba ati: “Ndhiguliraagho, mwanhinaze iwe omugonzi wange, iwe aziraku ghakyamu naire era ali ng'oti njiibwa. Omutwe gwange n'enviiri dhange biboze n'omusulo.”

Olwembo 5:2 ပူးပေါင်းရင်းမြစ်များ

Amainhama 29:20

Yakobo yaakolera emyaka musanvu afune Rakeli, era gyamubonekera ng'oti nnaku bunaku entono dhiti, olw'okumwenda okungi kwe yali nakwo.

Zabbuli 119:1

Ba nkabi abo abaziraku kye banenezebwa, abatambulira ku mateeka ga Musengwa Katonda.

Zabbuli 81:10

Ninze Musengwa Katonda waimwe, eyabatoola mu nsi ey'e Misiri. Bwe mwasama ndidha kubaliisa mwigute.

Ensambo 23:26

Mwana wange, tanga omwoyo ku bye nkukoba, era otwale obulamu bwange ng'eky'okuboneraku.

Olwembo 1:16

Bona eno iwe omugonzi wange, ng'oboneka bulungi, mu mazima geene oli mulungi. Eisubi erya kiragala n'eriidha okuba obuliri bwaife;

Olwembo 2:10

Agho omugonzi wange yaayogera, yankoba ati: “Omugonzi wange, situka. Omulungi wange, idha tuje.

Olwembo 2:14

Oli ng'oti njiibwa eyeegisiisa mu ntanda edheeyatisa mu lubaale, mu nkompe edhiri mu nsozi. Leka nkulingirireku mu maiso, kuba muboneka bulungi. Era leka mpulire ku mamiro go ng'oyogera, kuba gawooma okuwulirisa.

Olwembo 2:8

Ndi kuwulira amamiro ag'omugonzi wange! Bona ere, wuule. Ali kwidha ng'atuumiratuumira ku nsozi enene, era yaidha ng'adalandira ku busozi obutono.

Olwembo 3:1

Nga ndi ku buliri bwange obwire, naloota oyo ye ngonza, era naamunoonia, aye naaloba kumuzuula.

Olwembo 4:7

Omugonzi wange, oboneka bulungi weenaweena! Oziraku kakyamu naire.

Olwembo 4:9

Mwanhinaze iwe omugole wange, ontwaliriiza omwoyo. Ontwaliriiza omwoyo olw'eriiso ly'oninzeeku, n'olw'ekinhere ekikuli mu nkoto.

Olwembo 5:11

Mu maiso ali ng'oti zaabu omukenenule, enviiri dhe dha mutere, ndhirugavu ng'oti ikoova.

Olwembo 5:6

Naiguliragho omugonzi wange, aye nga yaviiregho ira yaaja! Neegomba mpulireku ng'ayogera, era naamunoonia aye nga timubona. Naamweta aye nga tandhiramu.

Olwembo 6:9

nze omugonzi wange ali mulala yenka omulungi ng'oti njiibwa, era aziraku ghe yakyama naire. Oyo n'omwana omughala yenka ku inhina, era omugonzi einho ku inhina oyo. Abaghala boonaboona abamubonaku bamwesiimisa, ni bainhebantu n'abakazi ba kyabazinga abandi ab'embali boona bamusaaka.

Olwembo 7:9

Omunwa gwo bye gwogera biwooma ng'oti n'omwenge ogw'emizabbibu ogusingayo bulungi. Ogwo n'omwenge ogugwaniire okunhwebwa omugonzi wange, gumubite mu kanwa ni mu maino, gumughegheeze amamiro.

Olwembo 8:7

Okugonza ni bw'okufukirira amaadhi amangi einho tikuzima; ni bwe guba omwidhuzo gw'amaadhi tigasobola kumira kugonza okwo, ni kudimira. Ole bw'aghaayo obukombe bwonabwona bw'ali nabwo agule okugonza, bamunhooma bunhoome.

Isaia 50:6

Nataagho omugongo gwange baakuba, naataagho amatama bankuunhuula ekirevu, era naaloba kukyukira mbali, nga bali kunfuudha mu maiso okunswaza.

Isaia 52:14

Abantu kamaala baamwewuunhia inho, okumubona ng'ayonooneibwa emboneka ye okusinga omuntu owundi yeenayeena bwe yaali ayonooneibwaku. Yali afuusefuuse nga takaafaanana bantu.

Danieli 8:18

Bwe yali ali kwogera ninze, nze neeyala agho ku itaka nga neefundiike, endoolo enhingi einho dhangema. Aye yangemaku yaanhemereza ku magulu gange.

Zekaria 4:1

Agho malaika eyali ali kwogeranga ninze yaidha kabiri, yanzuusa ng'oti mbairenga ntendwike.

Matayo 7:8

Kuba buli asaba afuna, oyo ayagala azuula, n'oyo akonkona ku lwigi aliigulirwagho.

Matayo 8:17

Kino kyatuukiriza omulanzi Isaia kye yakoba ati: “Yatuwonia ebituluma, yeetwika ebirwaire byaife.”

Mariko 1:35

Enkyo Yesu yaawuuna be pwi pwi pwi nga n'endhuba ekaali kuvaayo, yaasituka yaaja mu kifo ezira bantu yaaba eyo ng'asaba.

Luka 22:44

Yaawulira enaku mu mwoyo, yaasaba inho, yaagezimula era olugezi lwaba ng'oti matondo ga musaayi n'agali kutoonha ku itaka.]

Luka 6:12

Olwatuuka mu nnaku edho, Yesu yaaja ku lusozi okusaba, era yaakyesa obwire ng'asaba Katonda.

Luka 9:32

Petero ni be yali nabo baali batenduka, aye bwe baazuuka baabona ekitiisa kya Yesu, n'abasaadha ababiri nga bemereire naye.

Yoanne 10:4

Bw'amala okudhifulumya adhikulembereramu dhaamunonereza, kuba dhiidhi amamiro ge.

Ab'e Galatia 2:20

era tiri mulamu ku bwange aye Kurisito n'omulamu mu nze. Obulamu buno bwe ndi nabwo mperaano mu mubiri, ndi nabwo lwa kwikiriza Mwana wa Katonda eyangonza n'aghaayo obulamu bwe ku lwange.

Ab'Efeso 5:14

Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”

Okwolekebwa 14:4

N'abo abatukuvu abateeyonoona na bakazi, baasigala nga beegha. N'abo abanonereza Entaama Ento buli y'eja era abaanunulwa mu bantu, baaba ng'oti bibala ebisooka okukungulwa ebigheebwayo eri Katonda n'eri Entaama Ento.

Okwolekebwa 3:20

Ndi ku lwigi nhemereire, nkonkona. Awulira amamiro gange n'aigulagho olwigi, ndingira omumwe naalya naye.

Okwolekebwa 3:4

Aye mu Sarudi olimu n'abandi abatonotono abatayonoonanga bivaalo byaibwe: balitambula ninze mu bivaalo ebyeru kuba bagwaine.