Olwembo 5:16 - Baibuli Ekibono kya Katonda 2014

¹⁶ By'ayogera biwooma okuwulirisa, era yeenayeena nga bw'ali ansanhusa. Imwe abaghala ab'e Yerusalemu, atyo bw'ali omugonzi, era oyo ni mukagwa wange.

Olwembo 5:16 ပူးပေါင်းရင်းမြစ်များ

2 Samueli 1:23

Saulo ni Yonathani baali bagonzi era abasanhusa! Mu bulamu ni mu kufa tibaayawukana, baali ba mbiro okusinga enkookooma, era baaba ba maani okusinga empologoma.

Zabbuli 119:103

By'ondhegeresa bidhuudhuula, bwene byasinga n'omudheenene ogw'endhuki!

Zabbuli 148:13

Boonaboona ka basaake eriina lya Musengwa Katonda, kuba eriina lye n'erisinga agandi goonagoona obukologho; ekitiisa kye kiri ghaigulu okusinga ensi n'eigulu.

Zabbuli 19:10

Okusala omusango okwa Musengwa Katonda kwegombebwa okusinga zaabu, waire zaabu ole omukenenule; kudhuudhuula okusinga omudheenene, waire gule ogutoonha obutoonhe okuva mu bisasala.

Zabbuli 45:2

Iwe osinga abasaadha abandi boonaboona abali ku nsi obulungi. Bw'oyogera ghazira ayenda olekere, olw'ekyo Katonda yakugha enkabi edhitaja kukuvaaku.

Zabbuli 89:6

kuba bwene naani ku bali ghaigulu eyo ayaga ni Musengwa Katonda? Oba naani ku bali mu igulu ali ng'oti ni Musengwa Katonda?

Olwembo 1:16

Bona eno iwe omugonzi wange, ng'oboneka bulungi, mu mazima geene oli mulungi. Eisubi erya kiragala n'eriidha okuba obuliri bwaife;

Olwembo 1:2

Nnhwegera n'omunwa gwo zeenazeena, kuba okugonza kwo kuwooma okusinga omwenge gw'emizabbibu.

Olwembo 1:5

Imwe abaghala ab'e Yerusalemu, nze ndi mwirugavu aye mboneka bulungi, ng'oti ni weema edh'e Kedari era ng'oti n'ensuubo edh'omu kisaagaati kya Kyabazinga Solomoni.

Olwembo 2:1

Nze ndi kimuli kya mu nsiko eky'e Sharoni, ndi kimera ekyetebwa eky'omu biiko.

Olwembo 2:16

Omugonzi wange oyo, wange, zeena ndi wuwe. Ayayira ebyayo bye mu bimuli ebyetebwa liri.

Olwembo 2:3

Ng'omuti ogw'ebibala bwe guba n'omuganhulo okusinga emiti egindi egy'omu kibira, n'omugonzi wange atyo bw'abasinga basaadha baine. Nnhumirwa okutyama mu kinsense eky'omuti ogwo, era ebibala byagwo bimpoomera inho.

Olwembo 4:3

Omunwa gwo guli ng'oti n'ewuuzi ey'olugoye olw'ekitiibwa olwa langi ya kasaayisaayi. Bwe gwogera gusanhusa. Amatama go nga gali mu kitambaala kyo kye weeghembereire, gaboneka bulungi ng'oti kibala kya ku mukomamawanga, kye basazeemu aghabiri.

Olwembo 6:3

Omugonzi wange oyo, wange, zeena ndi wuwe. Ayayira ebyayo bye mu bimuli ebyetebwa liri.

Olwembo 7:9

Omunwa gwo bye gwogera biwooma ng'oti n'omwenge ogw'emizabbibu ogusingayo bulungi. Ogwo n'omwenge ogugwaniire okunhwebwa omugonzi wange, gumubite mu kanwa ni mu maino, gumughegheeze amamiro.

Yeremia 15:16

Wo Musengwa Katonda Afuga Amagye, Iwe wayogera ninze, naawulirisa buli kibono kye wakoba. Ekyo kyaleetera omwoyo gwange okusanhuukirira; kuba nze ndi wuwo.

Yeremia 3:20

Aye imwe bwenebwene mwakyuka mwaloba kuba beesigwa ye ndi, ng'oti n'omukazi ava ku iba n'aloba okuba omwesigwa y'ali. Nze Musengwa Katonda, ninze nkobye.’

Hosea 3:1

Agho Musengwa Katonda yankoba ati: “Ja kabiri ogonze omukazi omwenzi ali n'omusaadha owundi y'ayenda. Omugonze nga nze Musengwa Katonda bwengonza Abaisiraeli, waire nga bakyuka baasinza bakatonda abandi era baasanhukira inho okughaayo emizabbibu egikaziibwa ng'ebigheebwayo eri bakatonda abo.”

Ab'e Galatia 2:20

era tiri mulamu ku bwange aye Kurisito n'omulamu mu nze. Obulamu buno bwe ndi nabwo mperaano mu mubiri, ndi nabwo lwa kwikiriza Mwana wa Katonda eyangonza n'aghaayo obulamu bwe ku lwange.

Ab'e Filippi 3:8

Bwenebwene ebintu byonabyona mbibona ng'okufiirwa, olw'omuganhulo ogubisinga einho oguli mu kumanha Kurisito Yesu Musengwa. Ku lulwe naleka ebintu byonabyona, era mbibona ng'ebitagasa olw'okufuna Kurisito ng'empeera yange,

Yakobo 2:23

Era ebyaghandiikibwa byatuukirira ebikoba biti: “Aburahamu yaikiriza Katonda, era ekyo kyamuviiramu okugheebwa obutuukirivu era ni Katonda okumweta mukagwa we.”

Yakobo 4:4

Ye bano abatatya Katonda! Timwidhi ng'okuba bakagwa b'ensi kitegeeza kuba bazigu ba Katonda? Kiisi ayenda kuba mukagwa wa nsi aba yeefiire muzigu wa Katonda.