Olwembo 5:15 - Baibuli Ekibono kya Katonda 2014

¹⁵ Amagulu ge malungi ng'oti n'empango dhe baakola mu mabaale ag'omughendo agamirimiinha, ni badhita mu bikolo ebya zaabu. Era wa kitiibwa ng'oti n'ensozi edh'e Lebanoni, n'emiti gyaku emivule egyegombebwa.

Olwembo 5:15 ပူးပေါင်းရင်းမြစ်များ

1 Bakyabazinga 4:33

Yayogera ku miti, okuva ku muvule ogw'omu Lebanoni, okutuuka ku kati akeetebwa hissopu, akamera ku bimante. Yaayogera ni ku nsolo, ni ku nhonhi, ni ku byeghaluliza ku itaka, ni ku byenhandha.

Zabbuli 80:10

Ekinsense kyagwo kyaghemba ensozi, ensaga dhaagwo dhaaghemba n'emivule emikologho.

Zabbuli 92:12

Abatuufu baja kweyongeranga okuba obulungi ng'oti n'omuti omunaazi, era bakule ng'oti n'emivule egy'e Lebanoni.

Zabbuli 92:13

Bali ng'oti n'emiti egyasimbwa mu ndhu ya Musengwa Katonda, era bakula bukalamu mu isinzizo lya Katonda waife.

Okuvaayo 26:19

Ebikondo ebyo oidha kubikolera ebikolo amakumi ana nga bya feeza kwe binaayemereranga. Nga buli kikondo kiri n'ebikolo bibiri ebirimu ebituli omwingira ebintu bire ebibiri ebisongovu eby'ekikondo ekyo.

Olwembo 2:14

Oli ng'oti njiibwa eyeegisiisa mu ntanda edheeyatisa mu lubaale, mu nkompe edhiri mu nsozi. Leka nkulingirireku mu maiso, kuba muboneka bulungi. Era leka mpulire ku mamiro go ng'oyogera, kuba gawooma okuwulirisa.

Olwembo 4:11

Iwe omugole wange, omunwa gwo gudhuudhuula ng'oti guliku mudheenene gwa ndhuki. Olulimi lwo luwoomerera ng'oti luliku bwa mudheenene gwa ndhuki na mata. Ebivaalo byo biwunha ng'oti n'obuwoowo bwonabwona obw'e Lebanoni.

Olwembo 7:4

Enkoto yo ndeeyiriri ng'oti n'omunaala ogwakolebwa mu masanka. Amaiso go gamesunkana ng'oti n'amaadhi agali mu bidiba, ebiri gha mulyango ogwetebwa ogwa Bathirabbimu, mu kibuga Heshiboni. Enhindo yo ntereevu ng'oti n'ekituuti ekirengererwaku eky'e Lebanoni, ekiringiriiza Damasiko.

Okulira 4:7

Abakungu ab'omu Yerusalemu baali nga batukula okusinga amabaale ag'omugozi era nga beeru okusinga amata; emibiri gyaibwe nga gya maani era nga ginherengeta okusinga eibaale ery'omughendo eryetebwa korali, era nga baboneka bulungi inho ng'oti n'eibaale ery'omughendo eryetebwa saffiro.

Ezekieli 17:23

Ndikasimba ku lusozi lwa Isiraeli olusinga kuba luleeyi, kamere kaidheku ensaga era kateeku n'ebibala, kafuuke omuvule omulungi einho. Ensolo edh'omu nsiko edha buli nsambo dhiidhe dhisulenga ghansi ghaagwo, n'enhonhi edha buli ngeri dhizimbenga ebisu byadho ku nsaga dhaagwo.

Ezekieli 31:8

Nga togugeza ku mivule gya mu nimiro ya Katonda, waire ensaga dhaagwo okudhigeza ku dh'emiti egindi emireeyiriri. Nga n'emiti emipulane gyona gizira nsaga dhaaga na dhaagwo. Mu nimiro ya Katonda timwalimu muti guboneka bulungi ng'ogwo.

Hosea 14:7

Baliira ye ndi naabakuumanga nga mbalabirira. Baliba ng'oti nimiro ebaziiza emere, era baamulisa ekimuli ng'oti muzabbibu. Balimanhikana inho ng'oti n'omwenge ogw'emizabbibu ogw'e Lebanoni.

Zekaria 9:17

Bwenebwene ensi eriba nungi era ng'esikiriza! Abalenzi n'abaghala tibalibulirirwa ngaano ya kulya, waire okubulirirwa omwenge ogw'emizabbibu ogw'okunhwa, basobole okuba obukalamu.

Matayo 17:2

Agho yaafuuka obundi nga babona, amaiso ge gaayaka oti ndhuba, n'ebivaalo bye byayakaayakana oti musana.

Matayo 28:3

Yali afaanana ng'oti lukuba, n'ekivaalo kye nga kyeru oti mugozi.

Ebikolwa by'Abatume 2:28

Wandhegeresa engira edh'obulamu, ndisangaala nga nkuli mu maiso.’

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

Abalamuzi 13:6

Agho omukazi yaaja, yaakobera iba ati: “Omuntu wa Katonda aidhie ye ndi, ng'amaiso ge gatiisa inho ng'oti ga malaika wa Katonda. Timubuuziiza y'aviiriire, era tankobeire liina lye.