Olwembo 5:14 - Baibuli Ekibono kya Katonda 2014

¹⁴ Amakono ge gaakolebwa bulungi ng'oti mpeta dha zaabu, edhaateebwaku amabaale ag'omughendo. Omubiri gwe mulungi ng'oti isanka lye baalimbyaku amabaale ag'omughendo ageetebwa saffiro.

Olwembo 5:14 ပူးပေါင်းရင်းမြစ်များ

Yobu 28:16

Zaabu omulungi ow'e Ofiri tayagayaga nago mughendo, waire amabaale ag'omughendo ageetebwa onikisi ni saffiro.

Zabbuli 99:4

Iwe Kyabazinga ow'amaani, toyenda kusaliriza, wataagho ensala ejiira ku mazima, era waaleetagho obutuufu mu Isiraeli.

Okuvaayo 15:6

Wo Musengwa Katonda, omukono gwo omusaadha gukola eby'amaani ebitaloodheka; gutentena omuzigu gwamukutulakutula.

Okuvaayo 24:10

baabona Katonda wa Isiraeli. Ghansi gh'ebigere bye nga ghali ng'oti ni ghe baayaliira amabaale ag'omughendo ageetebwa saffiro, aga langi ya bbululu omutangaavu obukalamu ng'eigulu.

Okuvaayo 28:18

Ate akanhiriri akokubiri kabeeku ageetebwa emeraludo, saffiro, ni diamondi.

Okuvaayo 28:20

Olwo akokuna kabeeku ageetebwa berulo, onikisi, ni yasipera. Amabaale ago gali n'okubaaku omugo gwa zaabu,

Okuvaayo 39:13

Olwo akokuna kaabaaku ageetebwa berulo, ni onikisi, ni yasipera. Bwe baamala baagataaku omugo gwa zaabu.

Olwembo 7:2

Omudondo gwo guli ng'oti kikopo ekirimu omwenge ogw'emizabbibu omutabule obukalamu. Enda yo eri ng'oti kinhwa kya ngaano kye basibiisa ebimuli ebyetebwa liri.

Isaia 52:13

Musengwa Katonda akoba ati: “Bona, omugheereza wange ebintu birimujiiranga bukalamu. Aligheebwanga ekitiisa ekitaloodheka era yaagulumizibwa inho.

Isaia 54:11

Musengwa Katonda akoba ati: “Iwe ekibuga Yerusalemu odaazibwadaazibwa era oyuuzibwayuuzibwa kiwunga, ghaaloba kubaagho akugumyaku naire. Aye bona eno, ndikuzimbisa amabaale ag'okudholigadholiga, emisingi gyo naagizimbisa amabaale ag'omughendo ageetebwa saffiro.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Ezekieli 1:16

Enkede edho eina dhoonadhoona dhaakolebwa nga dhifaanana era nga dhimirimiinha ng'oti ibaale ery'omughendo eryetebwa kurisolito. Buli nkede yali eboneka ng'oti erimu enkede eyindi ghagati ghaayo obukiika.

Danieli 10:6

Omubiri gwe gwali gumesunkana ng'oti ibaale lya mughendo eryetebwa berulo. Nga mu maiso amyensuuka ng'oti kughemya kwa lukuba. Amaiso ge nga gali ng'oti gaaka omuliro. Amakono ge n'amagulu ge nga gamirimiinha ng'oti kyuma kya kikomo ekizigule. Nga bw'ayogera, amamiro ge gaba ng'oti n'ag'olukunkumuli olw'abantu.