Olwembo 5:1 - Baibuli Ekibono kya Katonda 2014

¹ Mwanhinaze iwe omugole wange, ndidhie mu nimiro yange, naasoloza obuwoowo bwange obwa mirra n'obuwoowo obundi, naalya ku mudheenene gwange ogw'endhuki ni ku bisasala byagwo, era naanhwa ni ku mwenge gwange ogw'emizabbibu ni ku mata gange. Imwe abagonzania, mulye era munhwe, munhwere irala mwigute omukwano.

Olwembo 5:1 ပူးပေါင်းရင်းမြစ်များ

Amainhama 37:25

Agho baatyama baalya. Baaja okulinga bati, nga balengera ekikunsu ky'Abaishimaeli abasuubuzi abava mu Gileadi, nga bali n'engamiya edheetwise obusando obw'akawoowo era n'obuwoowo obundi obwetebwa balamu ni mirra, nga babitwala e Misiri.

Zabbuli 147:11

aye asangaalira abo bamutya, abo abasuubirira mu kugonza kwe okutakoma.

Zabbuli 16:3

Abatuukirivu abali mu nsi balungi inho ebitaloodheka, era mbeesiimisa.

Ensambo 24:13

Mwana wange, lyanga ku mudheenene ogw'endhuki, kuba mulungi. Nga bwe gudhuudhuula ku lulimi lwo, nga guva mu bisasala byagwo,

Ensambo 9:5

“Idha olye ku mere yange ye nfumbye, era onhwe ni ku mwenge gwange ogw'emizabbibu gwe mpiisiisa.

Omulangirizi 2:5

Naalima enimiro, naadhisimbamu emiti egy'ebibala egya buli kika.

Olwembo 1:13

Omugonzi wange ali ng'oti n'akasawo akalimu akawoowo ka mirra, ke nta mu mabeere gange.

Olwembo 4:16

Iwe empewo eva ku luuyi olw'omukono omugooda olw'e buvandhuba, n'iwe empewo eva ku luuyi olw'omukono omusaadha olw'e buvandhuba, musituke mwidhe mufuuwe ku nimiro yange, akawoowo akagirimu kaje, kasansaanire woonawoona. Olwo omugonzi wange aidhe mu nimiro ye, alye ku bibala byayo ebirungi einho.

Olwembo 4:8

Omugole wange, idha tuje, tuve ku nsozi dh'e Lebanoni; idha tuje, tuve mu Lebanoni. Vaayo ku mutwe ogw'olusozi Amani, ove n'eyo ku mitwe egy'ensozi Seniri ni Herimoni, eri empologoma n'empala.

Olwembo 6:11

Agho nze naikirira, naatuuka mu nimiro ey'amaido ag'oku muti, okubona ebibala eby'omu kiiko nga bwe bimuliisa ekimuli, n'okubona oba nga emizabbibu gitaireku ebituutwa, era oba nga emikomamawanga gireese ekimuli.

Olwembo 6:2

Omugonzi wange ajiire mu nimiro ye omuli obuwoowo obw'omu mere. Ajiire kwayira eyo ebyayo bye n'okusolozaayo ebimuli ebyetebwa liri.

Olwembo 8:1

Ha, kale ngoli wali mwanhinaze eyayonka ku mabeere ga maama, memale ni nkwagaana eyo ku luya, nandikunhwegeire ghaabulagho n'omuntu ankobaku.

Olwembo 8:13

Iwe omugonzi wange aba eyo mu nimiro, banange bali kuteegerera okuwulira amamiro go. Kale ni yogeraku mpulire.

Isaia 23:18

Ebirivanga mu kusuubula kwakyo, balibighangayo byaba bya Musengwa Katonda. Abantu abasinza Musengwa Katonda balibikozesanga okugula emere n'engoye bye beetaaga, mu kifo ky'okubitereka ni byebunga obwa agho.

Isaia 5:1

Ka nhembere omugonzi wange, olwembo olugema ku isamba ly'emizabbibu. Omugonzi wange yali n'eisamba ery'emizabbibu ku lusozi olugimu einho.

Isaia 51:3

Ndisaasira Yerusalemu n'abantu boonaboona ababa mu bifo byakyo ebyayonoonebwa. Ebiketezo byakyo eby'eirungu ndibifuula byaba ng'oti n'enimiro y'Edeni, ng'oti n'enimiro yange yeene nze mwene ye neerimira. Okusangaala n'okusagamba n'ebiribanga eyo, nga kw'otaire n'enhembo edh'okuneebaza n'okunsaaka.

Isaia 53:11

Bw'alibona ku ebyo ebiriva mu kudaazibwadaazibwa kwe, alisangaala. Olwo yaamanha nga tiyadaazibwadaazibwa bwereere. Omugheereza wange oyo aneesiimisa, era alyetwika ekibonerezo ky'ebibi eby'abangi, nze naabasonigha ku lulwe.

Isaia 58:11

Nze Musengwa Katonda mwene ndibakulemberangamu buli kaakyeire, naabagha ebirungi ebibamala obukalamu era naabaleetera okuba abagumu era ab'amaani. Mulibanga ng'oti n'enimiro ye bafukirira amaadhi, era ng'oti n'ensulo y'amaadhi etakala.

Isaia 61:11

Bwenebwene ng'eitaka bwe limeza ebimera, era ng'enimiro bw'ekuza bye bagisimbyemu, ni Musengwa Katonda atyo bw'alireetera obutuufu okumeruka mu bantu be, amaghanga goonagoona gaamutaamu ekitiisa.

Isaia 65:13

Kale ni, nze Musengwa Katonda nkoba nti, abo abansinza balirya era baanhwa, aye imwe endhala eribaluma n'endiwo yaabagema. Beene balisagamba, aye imwe muliswazibwa.

Isaia 66:14

Ekyo mulikibona mwasagamba mu myoyo ni mu mibiri, mwairamu obulamu n'amaani. Era kirimanhikana nga nze Musengwa Katonda nhamba abagheereza bange abampulira, aye naasungughalira abazigu bange.”

Matayo 25:40

“Agho Kyabazinga alibairamu ati, ‘Bwenebwene ka mbakobere buli kye mwakolera omulala ati ku baganda bange bano abato, mwakikolera nze.’

Luka 12:4

“Bakagwa, ka mbakobere: Mutatyanga abo abaita omubiri, ate ebyo oluwa baaba nga ghazira kyonakyona kye baghanga kukola.

Yoanne 3:29

Omugole aba w'oyo amubayiiza. Mukagwa w'oyo abayiiza bw'ayemerera n'awulira eiroboozi ly'oyo abayiiza asangaala. Kale ni eisanhu lyange lituukiriire.

Ebikolwa by'Abatume 11:29

Aboluganda baasalagho kiisi muntu agheeyo nga bw'aghanga olw'okulumuukirira aboluganda abaali mu Buyudaaya.

Ab'Efeso 5:18

Mutairanga mu kutamiira mwenge ogwidha okubaitaitana, aye mwidhule Mwoyo Mutukuvu.

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.

Abalamuzi 14:11

Abafilisiti bwe baamubona, baagheereza abaisuka amakumi asatu okuba naye nga bamukuumaku.

Abalamuzi 14:20

Agho baatoola muka Samusoni baamugha omusaadha, mwine wa Samusoni, eyalabirira Samusoni oyo ku mbaga.