Olwembo 4:16 - Baibuli Ekibono kya Katonda 2014

¹⁶ Iwe empewo eva ku luuyi olw'omukono omugooda olw'e buvandhuba, n'iwe empewo eva ku luuyi olw'omukono omusaadha olw'e buvandhuba, musituke mwidhe mufuuwe ku nimiro yange, akawoowo akagirimu kaje, kasansaanire woonawoona. Olwo omugonzi wange aidhe mu nimiro ye, alye ku bibala byayo ebirungi einho.

Olwembo 4:16 ပူးပေါင်းရင်းမြစ်များ

Omulangirizi 1:6

Empewo efuuwa yaaja ku luuyi olw'omukono omusaadha olw'e buvandhuba, ate yaakyuka yaaja ku luuyi olw'omugooda. Kabiri yaafuuwa nga yeezungulula, olwo yaira ye yaviire.

Omulangirizi 2:5

Naalima enimiro, naadhisimbamu emiti egy'ebibala egya buli kika.

Olwembo 1:13

Omugonzi wange ali ng'oti n'akasawo akalimu akawoowo ka mirra, ke nta mu mabeere gange.

Olwembo 1:4

Ntwala y'oli kuja tuve ghano mangu, onhingize ewuwo iwe kyabazinga wange. Twidha kusangaala tusagambire ghalala n'iwe; era tusaake inho okugonza kwo, kuba kusinga omwenge ogw'emizabbibu. Abakwegomba batuufu okukwegombanga.

Olwembo 2:3

Ng'omuti ogw'ebibala bwe guba n'omuganhulo okusinga emiti egindi egy'omu kibira, n'omugonzi wange atyo bw'abasinga basaadha baine. Nnhumirwa okutyama mu kinsense eky'omuti ogwo, era ebibala byagwo bimpoomera inho.

Olwembo 2:8

Ndi kuwulira amamiro ag'omugonzi wange! Bona ere, wuule. Ali kwidha ng'atuumiratuumira ku nsozi enene, era yaidha ng'adalandira ku busozi obutono.

Olwembo 5:1

Mwanhinaze iwe omugole wange, ndidhie mu nimiro yange, naasoloza obuwoowo bwange obwa mirra n'obuwoowo obundi, naalya ku mudheenene gwange ogw'endhuki ni ku bisasala byagwo, era naanhwa ni ku mwenge gwange ogw'emizabbibu ni ku mata gange. Imwe abagonzania, mulye era munhwe, munhwere irala mwigute omukwano.

Olwembo 6:2

Omugonzi wange ajiire mu nimiro ye omuli obuwoowo obw'omu mere. Ajiire kwayira eyo ebyayo bye n'okusolozaayo ebimuli ebyetebwa liri.

Olwembo 8:12

Solomoni k'afune ebitundu bye ebya feeza olukumi (1,000), n'abalimi abapangisa bafunemu ebitundu ebikumi ebibiri (200). Aye eisamba eryange lirigho nga lyange ku bwange.

Isaia 64:1

Wo Musengwa Katonda, ngoli ni oyabuluza eigulu lyaghembuka, waidha eno ghansi! Ensozi dhanditengeese mu maiso go,

Ezekieli 37:9

Agho Musengwa Katonda yankoba ati: “Iwe omuntu, langa okobe omuuka oti nze Musengwa Katonda ndi kugulagira guve ku ndhuyi dhoonadhoona, gwidhe gufuuwe ku mirambo gy'abantu bano abaitibwa, bairemu okuba abalamu.”

Matayo 26:10

Aye Yesu yaakimanha, yaakoba ati: “Lwaki mutabula omukazi ono? Ekikolwa ky'ankoleire kikalamu

Matayo 26:12

Era kino ky'akoze okunsiiga omuzigo ku mubiri kibaire kunziraga.

Yoanne 3:8

Empewo efuuwa yaalaga y'eyenda, waawulira empiriito aye nga toidhi y'eva oba y'eja. Kityo bwekiri ku buli muntu azaalibwa Mwoyo.”

Yoanne 5:8

Yesu yaamukoba ati: “Situka, otoole endiri yo otambule.”

Ebikolwa by'Abatume 4:31

Bwe baamala okusaba, ekifo ghe baali beesololeiza kyatengeesebwa, boonaboona baidhula Mwoyo Mutukuvu, baayogera ekibono kya Katonda nga bagumu.

Ab'e Roma 15:16

okuba omugheereza we mu bamaghanga agandi. Nkola omulimo ogw'obwakabona nga nkobera abantu Amawulire Amalungi agava ewa Katonda, abamaghanga agandi babe ng'ekirabo ky'asiima nga kitukuziibwa Mwoyo Mutukuvu.

Ab'e Roma 15:28

Kale bwe ndimala okukola omulimo ogwo era nga mmaze okubagemya byonabyona ebyabagheerezebwa, ndivaayo, naabitira e waimwe nga nja e Supania.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.

2 Petero 3:18

Aye mukule mu kuyambibwa ni mu kumanha Musengwa waife era Omulokozi Yesu Kurisito. Oyo agheebwenga ekitiisa mperaano ni mu byanda ebiidha. Amiina.