Olwembo 4:14 - Baibuli Ekibono kya Katonda 2014

¹⁴ ni saffuroni, ni kalamu, ni kinnamoni, n'obubbaani obwa buli nsambo, ni mirra ni aloe, n'obuwoowo obundi bwonabwona obuwunha obulungi einho.

Olwembo 4:14 ပူးပေါင်းရင်းမြစ်များ

Amainhama 43:11

Agho Isiraeli iseibwe yaabakoba ati: “Oba nga kityo bwekiri, mukole muti: mutwale mu nsawo dhaimwe ebirabo bye munaagha omusaadha oyo. Mumutwalire ku bintu eby'omu nsi eno ebisinga kuba birungi: ku busando obw'akawoowo, ni ku mudheenene gw'endhuki, ni ku buwoowo obwetebwa balamu ni mirra, ni ku maido ag'omu itaka n'ag'oku miti.

1 Bakyabazinga 10:10

Agho yaatonera kyabazinga zaabu agheza kilo ng'oti enkumi ina (4,000), n'obuwoowo kamaala inho, n'amabaale ag'omughendo. Era tighaidhangaghooku kabiri bya buwoowo byaga agho bungi ng'oti n'ebyo kyabazinga omukazi ow'e Sheba bye yatonera kyabazinga Solomoni.

2 Ebyomubyanda 9:9

Agho yaatonera kyabazinga zaabu agheza kilo ng'oti enkumi ina (4,000), n'eby'obuwoowo kamaala inho, n'amabaale ag'omughendo. Era ghaali tighabangaghooku buwoowo ng'oti n'obwo kyabazinga omukazi ow'e Sheba bwe yatonera kyabazinga Solomoni.

Zabbuli 45:8

Ebivaalo byo biwunha kawoowo ka mirra, alowe ni kassia. Entongooli n'endingidi dhivuga dhaakusanhusa mu bisaagaati ebidholige n'amasanka.

Okuvaayo 30:23

“Funayo obuwoowo obusinga bulungi obw'ebika bino: mirra ow'amaadhi agheza obuzito bwa kilo mukaaga, ni sinnamoni awunha obulungi einho agheza obuzito bwa kilo isatu, ni keini awunha obulungi einho, yeena obuzito bwa kilo isatu,

Ensambo 7:17

Era naamansiraku obuwoowo obwakolebwa: mu mirra, ni mu alowe, ni mu kinnamoni.

Olwembo 1:12

Kyabazinga wange bwe yali yeeziziike akaito ng'ali kuwuumulaku, endhu yoonayoona yaidhula akawoowo ka narudo nga kava ku bizigo byange.

Olwembo 3:6

Naani oyo ali kwidha ng'ava mu irungu, ng'ali ng'oti n'ekire eky'omwosi ekiri ng'oti mpango, nga bamusiize obuwoowo bwa mirra, baamuniokeza n'obubbaani, n'obuwoowo obwa buli nsambo abasuubuzi bwe batunda?

Olwembo 4:6

Ndidha kuja ku lusozi okuli akawoowo ka mirra, ni ku kasozi okuli akawoowo k'obubbaani, mbe eyo okutuusa obwire bwe bunaakya, n'enzikiiza n'ewaagho.

Olwembo 5:1

Mwanhinaze iwe omugole wange, ndidhie mu nimiro yange, naasoloza obuwoowo bwange obwa mirra n'obuwoowo obundi, naalya ku mudheenene gwange ogw'endhuki ni ku bisasala byagwo, era naanhwa ni ku mwenge gwange ogw'emizabbibu ni ku mata gange. Imwe abagonzania, mulye era munhwe, munhwere irala mwigute omukwano.

Olwembo 6:2

Omugonzi wange ajiire mu nimiro ye omuli obuwoowo obw'omu mere. Ajiire kwayira eyo ebyayo bye n'okusolozaayo ebimuli ebyetebwa liri.

Ezekieli 27:19

n'omwenge ogw'emizabbibu ogundi ogw'e Uzali. Era baakuleeteranga n'ekyuma ekigumu einho ekimesunkana, n'obuwoowo bwa kassia n'obwa kalamu, iwe waabafaanisangamu bye wasuubulanga.

Okubala 24:6

Ebifo ebyo biri ng'oti biiko ebyegolomoire, era ng'oti nimiro edhiri ku mbali okw'omwiga. Biri ng'oti miti egiri n'akawoowo k'alowe, Musengwa gye yasimba era ng'oti mivule egiri kumpi n'amaadhi.

Mariko 16:1

Olwa Sabbato bwe lwabita, Maria Magadalene ni Maria inhina wa Yakobo ni Salome, baagula obuwoowo baje basiige ku mulambo gwa Yesu.

Yoanne 19:39

Ni Nikodemo yeena, ole eyaja okubona Yesu obwire, yaaja ni kilo edhighera ng'oti makumi asatu entabule edh'obuwoowo bwa mirra ni alowe.

Okwolekebwa 18:13

Era nga ghazira agula buwoowo, na birungo, na bubbaani, na muzigo ogwa kawoowo ogwetebwa mirra. Era nga ghazira agula mwenge gwa mizabbibu, na muzigo gwa bibala bya miti myoliva, na buwunga buseereibwa bukalamu, na ngaano, waire okugula ente n'entaama, embalaasi n'ebigaali eby'omu lutalo, oba okugula abairu n'obulamu bw'abantu.