Olwembo 4:11 - Baibuli Ekibono kya Katonda 2014

¹¹ Iwe omugole wange, omunwa gwo gudhuudhuula ng'oti guliku mudheenene gwa ndhuki. Olulimi lwo luwoomerera ng'oti luliku bwa mudheenene gwa ndhuki na mata. Ebivaalo byo biwunha ng'oti n'obuwoowo bwonabwona obw'e Lebanoni.

Olwembo 4:11 ပူးပေါင်းရင်းမြစ်များ

Amainhama 27:27

Yaaseeta, yaamugwa mu kifuba. Isaaka yaawunhiza akawoowo k'ebivaalo bye, yaamusabira enkabi, ng'akoba ati: “Akawoowo ak'omwana wange kali ng'oti n'akawoowo ak'enimiro Musengwa Katonda gy'aghaire enkabi!

Zabbuli 19:10

Okusala omusango okwa Musengwa Katonda kwegombebwa okusinga zaabu, waire zaabu ole omukenenule; kudhuudhuula okusinga omudheenene, waire gule ogutoonha obutoonhe okuva mu bisasala.

Zabbuli 45:8

Ebivaalo byo biwunha kawoowo ka mirra, alowe ni kassia. Entongooli n'endingidi dhivuga dhaakusanhusa mu bisaagaati ebidholige n'amasanka.

Zabbuli 92:13

Bali ng'oti n'emiti egyasimbwa mu ndhu ya Musengwa Katonda, era bakula bukalamu mu isinzizo lya Katonda waife.

Ensambo 16:24

Ebibono ebirungi bidhuudhuula ng'oti mudheenene, biizaamu amaani by'aleeta n'obulamu mu mubiri.

Ensambo 5:2

olwo oidha kusalangagho ekigwaine okukolebwa, n'omunwa gwo gwogerenga eby'amagezi.

Ensambo 5:3

Omunwa ogw'omukazi omwenzi gwogera ebibono ebidhuudhuula ng'oti mudheenene oguli kutoonha obutoonhe okuva mu bisasala, era akozesa amamiro amaghegheevu agali ng'oti n'omuzigo ogw'emiti emyoliva.

Olwembo 4:10

Mwanhinaze iwe omugole wange, engeri y'ongonzaamu ensanhusa inho. Engeri y'ongonzaamu ensanhusa inho okusinga okunhwa omwenge ogw'emizabbibu. Obuwoowo bwo buwunha bulungi okusinga obuwoowo obundi bwonabwona.

Olwembo 4:3

Omunwa gwo guli ng'oti n'ewuuzi ey'olugoye olw'ekitiibwa olwa langi ya kasaayisaayi. Bwe gwogera gusanhusa. Amatama go nga gali mu kitambaala kyo kye weeghembereire, gaboneka bulungi ng'oti kibala kya ku mukomamawanga, kye basazeemu aghabiri.

Olwembo 5:1

Mwanhinaze iwe omugole wange, ndidhie mu nimiro yange, naasoloza obuwoowo bwange obwa mirra n'obuwoowo obundi, naalya ku mudheenene gwange ogw'endhuki ni ku bisasala byagwo, era naanhwa ni ku mwenge gwange ogw'emizabbibu ni ku mata gange. Imwe abagonzania, mulye era munhwe, munhwere irala mwigute omukwano.

Olwembo 5:13

Amatama ge gavaaku akawoowo ng'oti nimiro ya buwoowo bwa mere. Omunwa gwe guli ng'oti bimuli ebyetebwa liri, ebiri kutoonhologoka akawoowo ka mirra.

Olwembo 7:9

Omunwa gwo bye gwogera biwooma ng'oti n'omwenge ogw'emizabbibu ogusingayo bulungi. Ogwo n'omwenge ogugwaniire okunhwebwa omugonzi wange, gumubite mu kanwa ni mu maino, gumughegheeze amamiro.

Isaia 7:15

Omwana oyo gh'alituukira okwawulagho ekirungi n'ekibi, abantu baliba banhwa mata na kulya mudheenene gwa ndhuki, ng'eyo n'emere yaibwe.

Hosea 14:2

Mwire eri Musengwa Katonda era okusaba kwaimwe n'okube kufuuke ekigheebwayo kyaimwe kye mumugha, nga mumweghemba muti: “Tusonighe ebibi byaife byonabyona, osanhukire ebyo ebirungi mu ife. Twidha kukusaakanga n'eminwa gyaife.

Abaheburayi 13:15

Kale buliidho tughenga Katonda omusengo ogw'okumusaaka nga tubita mu Yesu, nga twatula eriina lye n'eminwa gyaife.