Olwembo 4:10 - Baibuli Ekibono kya Katonda 2014

¹⁰ Mwanhinaze iwe omugole wange, engeri y'ongonzaamu ensanhusa inho. Engeri y'ongonzaamu ensanhusa inho okusinga okunhwa omwenge ogw'emizabbibu. Obuwoowo bwo buwunha bulungi okusinga obuwoowo obundi bwonabwona.

Olwembo 4:10 ပူးပေါင်းရင်းမြစ်များ

Olwembo 1:12

Kyabazinga wange bwe yali yeeziziike akaito ng'ali kuwuumulaku, endhu yoonayoona yaidhula akawoowo ka narudo nga kava ku bizigo byange.

Olwembo 3:6

Naani oyo ali kwidha ng'ava mu irungu, ng'ali ng'oti n'ekire eky'omwosi ekiri ng'oti mpango, nga bamusiize obuwoowo bwa mirra, baamuniokeza n'obubbaani, n'obuwoowo obwa buli nsambo abasuubuzi bwe batunda?

Olwembo 4:9

Mwanhinaze iwe omugole wange, ontwaliriiza omwoyo. Ontwaliriiza omwoyo olw'eriiso ly'oninzeeku, n'olw'ekinhere ekikuli mu nkoto.

Olwembo 5:5

Naasituka okwiguliragho omugonzi wange, ng'amakono gange n'engalo dhange biri kutoonha ebizigo eby'akawoowo ka mirra, era ebizigo ebyo byatoonha ni ku munhololo ogw'olwigi.

Olwembo 7:6

Omugonzi wange iwe, ng'oli mulungi okufa obufe! Ng'okugonza kwo kuneesiimisa ebitaloodheka!

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

Ab'e Filippi 4:18

Ebintu byonabyona mbifunie mu bwidhuvu, bisingaku ni bye neetaaga. Mperaano buli kintu kye neetaaga ndi nakyo okuva Epafurodito bwe yampa ebyo bye mwantonera nga biri ng'omusengo oguwunhira Katonda akawoowo, gw'asiima era ogumusangaaza.

Okwolekebwa 5:8

Bwe yakola ekyo, ebitonde ebiramu ebina (4) n'abakulembeze amakumi abiri n'abana (24), beeyala mu maiso ag'Entaama Ento. Buli mulala yali n'entongooli, n'ebibya ebya zaabu ebiidhwire obubbaani ng'okwo n'okusaba okw'abatuukirivu.