Olwembo 3:2 - Baibuli Ekibono kya Katonda 2014

² Naakoba mule nti: “Ka nsituke nje ntambuletambule eyo mu kibuga, mu nguudo dhaakyo ni mu mpya dhaakyo, mmunoonie oyo ye ngonza.” Naamunoonia aye naaloba kumuzuula.

Olwembo 3:2 ပူးပေါင်းရင်းမြစ်များ

Ensambo 8:34

Wa nkabi oyo awulira bye nkoba, buli lunaku n'atatoola maiso ku lwigi lwange, era n'aba agho gha mulyango gwange ng'aguniriire.

Olwembo 1:7

Iwe omwoyo gwange ye gugonza, nkobera y'oyayira ebyayo byo, ni ye birambaala okuwuumulaku mu kasana ghagati. Lwaki mba ng'oti n'omuntu ali kutambulatambula eyo atyo, nga ndi kukunooneza mu byayo bya baayi baino?

Olwembo 3:3

Abakuumi bandhagaana nga bali kulawuna ekibuga. Naababuuza nti: “Mumboneireku oyo ye ngonza?”

Olwembo 5:5

Naasituka okwiguliragho omugonzi wange, ng'amakono gange n'engalo dhange biri kutoonha ebizigo eby'akawoowo ka mirra, era ebizigo ebyo byatoonha ni ku munhololo ogw'olwigi.

Isaia 64:7

Ghazira aidha y'oli kukusaba ghazira asitukiramu kulumukira y'oli omuyambe. Iwe watwegisaaku era waatulekulira agho mu bibi byaife.

Yeremia 5:1

Imwe abantu b'omu Yerusalemu, muje eno n'ere nga mubitabita mu nguudo dh'ekibuga kyaimwe kino Yerusalemu. Muje nga mwetegereza buli kye mubona, mwagaaze mu mpya dh'ekibuga mubone oba nga munaabonayo omuntu waire omulala ati, akola ebituufu era ajiira ku mazima. Bwemunaamubona, ndidha kusonigha ekibuga kino.

Yoanne 1:6

Ghaaligho omuntu Katonda ye yatuma, ng'ayetebwa Yoanne.

Ab'e Roma 13:11

Ebyo nga bikaali agho, mwidhi nga esaawa n'eno, ekiseera kituuse imwe okuzuuka mu ndoolo. Kuba mperaano okulokolebwa kwaife kutuli kumpi inho okusinga ghe twainhamira okwikiriza.

1 Ab'e Korintho 15:34

Mweireku mulekere agho okukola ebibi, kuba abandi ku imwe timwidhi Katonda. Kino nkyogeire mbagemye ensoni.

Ab'Efeso 5:14

Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”