Olwembo 2:8 - Baibuli Ekibono kya Katonda 2014

⁸ Ndi kuwulira amamiro ag'omugonzi wange! Bona ere, wuule. Ali kwidha ng'atuumiratuumira ku nsozi enene, era yaidha ng'adalandira ku busozi obutono.

Olwembo 2:8 ပူးပေါင်းရင်းမြစ်များ

2 Samueli 6:16

Esanduuku ya Musengwa Katonda bwe baali bali kugireeta mu kibuga kya Daudi, Mikali mughala wa Saulo yaalengeza mu dinisa yaalinga kuliya, yaabona kyabazinga Daudi ng'ali kutuuma bw'akinira Musengwa Katonda. Yaamunhooma mule.

Olwembo 2:17

Omugonzi wange, kyuka oire, obe eno ng'oti n'empuuli oba empongo ento bw'eba mu nsozi edh'e Betheli, okutuusa obwire bwe bunaakya buli kazikiiza nga kaweereiregho irala.

Olwembo 4:16

Iwe empewo eva ku luuyi olw'omukono omugooda olw'e buvandhuba, n'iwe empewo eva ku luuyi olw'omukono omusaadha olw'e buvandhuba, musituke mwidhe mufuuwe ku nimiro yange, akawoowo akagirimu kaje, kasansaanire woonawoona. Olwo omugonzi wange aidhe mu nimiro ye, alye ku bibala byayo ebirungi einho.

Olwembo 5:2

Nali ntendwike, aye nga omwoyo gwange guli kuwulira. Agho naawulira ng'omugonzi wange ali kukonkona ku lwigi, ng'akoba ati: “Ndhiguliraagho, mwanhinaze iwe omugonzi wange, iwe aziraku ghakyamu naire era ali ng'oti njiibwa. Omutwe gwange n'enviiri dhange biboze n'omusulo.”

Isaia 35:6

Olwo omulema alituuma ng'oti mpongo, ni kasiru yaayemba olw'eisanhu; kuba amaadhi galitimbuka mu nhindo edh'ensulo mu irungu, gaakuuluulira mu nsi eyo enkalukalu.

Isaia 44:23

Iwe eigulu yemba, kuba Musengwa Katonda n'akoze ekyo. Imwe ebitundu ebiri eyo ghansi mu itaka, muleekaane. Imwe ensozi n'emiti gyonagyona egy'omu bibira, mwembe, kuba Musengwa Katonda yanunula baidhukulu ba Yakobo, era alyoleka ekitiisa kye mu Baisiraeli abo.

Isaia 52:7

Nga kisangaaza okubona omukwenda ng'ali kubitira mu nsozi okwidha okuleeta amawulire amalungi, amawulire agalangirira emiraala era agalangirira obulokozi n'obughanguzi! Omukwenda oyo akoba ati: “Katonda waimwe n'afuga!”

Yeremia 48:27

Iwe Moabu, lwaki mwasekerera Abaisiraeli? Lwaki mwababisa ng'oti ni be mugemeire mu kikuukuulu eky'abaibi nga bali kunhagulula?

Luka 6:23

Musagambanga ku lunaku olwo era mwedhaganga, kuba empeera yaimwe mu igulu nnene kuba era ni badhaadha baibwe batyo bwe baabisa abalanzi.

Yoanne 10:27

Entaama dhange dhiwulira amamiro gange, ndiidhi era dhiinonereza.

Yoanne 3:29

Omugole aba w'oyo amubayiiza. Mukagwa w'oyo abayiiza bw'ayemerera n'awulira eiroboozi ly'oyo abayiiza asangaala. Kale ni eisanhu lyange lituukiriire.

Ebikolwa by'Abatume 14:10

yaakangula ku mamiro yaamukoba ati: “Situka oyemerere busimbalaala ku bigere byo.” Omusaadha yaatuuma, yaatambula.

Ebikolwa by'Abatume 3:8

Olwasituka yaayemerera, yaatambula yangira nabo mu isinzizo ng'ali kutambula bw'atuumatuuma era ng'asaaka Katonda.

Okwolekebwa 3:20

Ndi ku lwigi nhemereire, nkonkona. Awulira amamiro gange n'aigulagho olwigi, ndingira omumwe naalya naye.