Olwembo 2:10 - Baibuli Ekibono kya Katonda 2014

¹⁰ Agho omugonzi wange yaayogera, yankoba ati: “Omugonzi wange, situka. Omulungi wange, idha tuje.

Olwembo 2:10 ပူးပေါင်းရင်းမြစ်များ

2 Samueli 23:3

Katonda wa Isiraeli yayogera, oyo olubaale lwa Isiraeli olw'okwewogomamu yankoba ati: Omuntu bw'afuga abantu ng'asala mu butuufu, n'afuga ng'atya Katonda,

Zabbuli 85:8

Leka mpulire Musengwa Katonda ky'aja okukoba, kuba ndidhi aja kwogera ebituleetera emiraala ife abantu be abamutya, kasita tuba nga titwizeeyo mu bya kisiru.

Olwembo 1:15

Ng'oboneka bulungi iwe omugonzi wange! Bwenebwene oboneka bulungi. Amaiso go malungi ng'oti njiibwa.

Olwembo 1:9

Iwe omugonzi wange, oleetera abasaadha okusuuyirira, ng'oti n'embalaasi enkazi bwe dhireetera ensaadha okusuuyirira edhighaluza ebigaali bya kyabazinga w'e Misiri eby'omu lutalo.

Olwembo 2:11

Bona, ebiseera eby'ekiinhogogo biwoireku, amaadhi galekeire okugwa gaajiire,

Olwembo 2:13

Emitiini gitooleire okubala, n'emizabbibu gimuliisa ebimuli, gyaleeta akawoowo. Omugonzi wange, situka. Omulungi wange, idha tuje.

Olwembo 2:8

Ndi kuwulira amamiro ag'omugonzi wange! Bona ere, wuule. Ali kwidha ng'atuumiratuumira ku nsozi enene, era yaidha ng'adalandira ku busozi obutono.

Olwembo 5:2

Nali ntendwike, aye nga omwoyo gwange guli kuwulira. Agho naawulira ng'omugonzi wange ali kukonkona ku lwigi, ng'akoba ati: “Ndhiguliraagho, mwanhinaze iwe omugonzi wange, iwe aziraku ghakyamu naire era ali ng'oti njiibwa. Omutwe gwange n'enviiri dhange biboze n'omusulo.”

Yeremia 31:3

nze nababonekera nga ndi ghala okuva ghe baali. Imwe Abaisiraeli, nze nava ira nga mbagonza, era ndidha kweyongeranga okubagonza obutalekera.

Matayo 9:9

Agho Yesu bwe yali ng'atambula, ng'ava eyo, yaabona omuntu ng'atyaime ghe bawooleza, nga bamweta Matayo, era yaamukoba ati: “Nnonereza.” Yaasituka yaamunonereza.

2 Ab'e Korintho 11:2

Mbawubira era nga Katonda bw'abawubira, kuba nabandhula ye Kurisito ng'omughala omwegha ye baja okugha iba omulala ati.

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.