Olwembo 1:9 - Baibuli Ekibono kya Katonda 2014

⁹ Iwe omugonzi wange, oleetera abasaadha okusuuyirira, ng'oti n'embalaasi enkazi bwe dhireetera ensaadha okusuuyirira edhighaluza ebigaali bya kyabazinga w'e Misiri eby'omu lutalo.

Olwembo 1:9 ပူးပေါင်းရင်းမြစ်များ

Amainhama 50:9

Era ku baaja naye kwaliku n'abaali ku bigaali eby'omu lutalo, n'abaali bali kuvuga embalaasi; lyaba ikuukuubira inene inho.

1 Bakyabazinga 10:28

Embalaasi Solomoni dhe yali nadho, yadhiragirizanga kuva mu Misiri ni mu Kue, era abasuubuzi be baadhisasuliranga.

Olwembo 1:15

Ng'oboneka bulungi iwe omugonzi wange! Bwenebwene oboneka bulungi. Amaiso go malungi ng'oti njiibwa.

Olwembo 2:10

Agho omugonzi wange yaayogera, yankoba ati: “Omugonzi wange, situka. Omulungi wange, idha tuje.

Olwembo 2:13

Emitiini gitooleire okubala, n'emizabbibu gimuliisa ebimuli, gyaleeta akawoowo. Omugonzi wange, situka. Omulungi wange, idha tuje.

Olwembo 2:2

Ng'ekimuli ekyetebwa liri bwe kiboneekerera nga kiri mu mawa, n'omugonzi wange atyo bw'aboneekerera ng'ali mu bakazi baine.

Olwembo 4:1

Ng'oboneka bulungi, iwe omugonzi wange! Bwenebwene oboneka bulungi. Amaiso go gali ng'oti ga njiibwa, nga gali mu kitambaala kyo kye weebwikiriire. Enviiri dho dhiikirira ku mutwe gwo ng'oti n'ekighaso eky'embuzi bwe kiikirira ku lusozi Gileadi.

Olwembo 4:7

Omugonzi wange, oboneka bulungi weenaweena! Oziraku kakyamu naire.

Olwembo 5:2

Nali ntendwike, aye nga omwoyo gwange guli kuwulira. Agho naawulira ng'omugonzi wange ali kukonkona ku lwigi, ng'akoba ati: “Ndhiguliraagho, mwanhinaze iwe omugonzi wange, iwe aziraku ghakyamu naire era ali ng'oti njiibwa. Omutwe gwange n'enviiri dhange biboze n'omusulo.”

Olwembo 6:4

Iwe omugonzi wange, oboneka bulungi ng'oti n'ekibuga Tiruza, oboneka bulungi ng'oti n'ekibuga Yerusalemu. Ate otiisa ng'oti n'eigye erisitwike okulwana.

Isaia 31:1

Bakagwireku abo abaja e Misiri okufunayo obuyambi, abeesiga embalaasi dhaayo, ni beesiga n'abavuzi baadho olw'okuba ab'amaani, era ni beesiga n'ebigaali byayo eby'omu lutalo olw'okuba ebingi einho. Aye ni baaloba okwesiga Musengwa Katonda Omutukuvu wa Isiraeli, waire okumwebuuzaaku abayambe!