Olwembo 1:4 - Baibuli Ekibono kya Katonda 2014

⁴ Ntwala y'oli kuja tuve ghano mangu, onhingize ewuwo iwe kyabazinga wange. Twidha kusangaala tusagambire ghalala n'iwe; era tusaake inho okugonza kwo, kuba kusinga omwenge ogw'emizabbibu. Abakwegomba batuufu okukwegombanga.

Olwembo 1:4 ပူးပေါင်းရင်းမြစ်များ

Zabbuli 111:4

Musengwa Katonda by'akola byewuunhisa, tabiganha kwerabirwa; wa kivunika era musaasizi.

Zabbuli 119:32

Ndidha kwangughangaku okukola ng'ebiragiro byo bwe binkoba, ng'ogaziiya okutegeera kwange.

Zabbuli 119:60

Nze nsitukiramu busitukire, naayangugha okukola ng'ebiragiro byo bwe binkoba.

Zabbuli 149:2

Abaisiraeli ka basangaale olw'oyo Eyabatonda; abantu ab'omu Sioni basagambe olwa Kyabazinga waibwe oyo.

Zabbuli 42:4

Omwoyo guunuma bwe ndidhukira eby'eira, bwe nakulemberangamu olukunkumuli olw'abantu abali ku kibinuko, nga tuja mu ndhu ya Katonda nga tuja bwe tukuba emizira era nga bwe twemba enhembo edh'okwebaza Katonda.

Zabbuli 48:9

Wo Katonda waife, nga tuli mu isinzizo lyo twefumintiriza inho ku ngeri y'otugonzaamu obutalekera.

Zabbuli 63:5

Ndidha kuwuliranga mule bukalamu ng'oti n'omuntu aliire ku mbaga ensavu, era ndidha kukusaakanga n'eisanhu.

Olwembo 3:4

Aye mba naakamala okubabitaku nti, nga ndhagaana oyo ye ngonza. Naamugemerera, naaloba kumulekula, okutuusa bwe namutwala mu ndhu ya maama, mu kisenge kyenekyene eky'oyo eyanzaala.

Olwembo 4:10

Mwanhinaze iwe omugole wange, engeri y'ongonzaamu ensanhusa inho. Engeri y'ongonzaamu ensanhusa inho okusinga okunhwa omwenge ogw'emizabbibu. Obuwoowo bwo buwunha bulungi okusinga obuwoowo obundi bwonabwona.

Isaia 25:8

Musengwa Katonda alizikiriza okufa kwasaaniragho irala ebyanda n'ebyanda. Alyeya abantu be boonaboona amaziga, yaatoolagho n'okuswazibwa kwe baali nakwo mu nsi yoonayoona. Musengwa Katonda oyo mwene n'ayogeire.

Isaia 45:25

Mu nze Musengwa Katonda, eizaire lyonalyona erya Isiraeli mwe lirifunira obughanguzi n'ekitiisa.”

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Isaia 63:7

Ndiromboodha nga Musengwa Katonda bw'atugonza nga talekera, era naamusaaka olw'ebyo byonabyona by'atukoleire. Era ndimusaaka kuba ayoleike ekisa ekitaloodheka eri ab'endhu ya Isiraeli, olw'okusaasira kw'ali nakwo okwidhwire okugonza okungi einho.

Yeremia 31:3

nze nababonekera nga ndi ghala okuva ghe baali. Imwe Abaisiraeli, nze nava ira nga mbagonza, era ndidha kweyongeranga okubagonza obutalekera.

Hosea 11:4

Nabatwalanga na kisa, naabaleeteranga okwidha ye ndi nga mbagonza. Nabaghembereranga ng'oti n'aghemberera omwana okumusirisaagho, era naakutamanga okubaliisa.

Zefania 3:14

Imwe Abaisiraeli, mwembe era mukube n'emizira. Imwe ab'e Yerusalemu, musangaale era musagambe n'omwoyo gwaimwe gwonagwona.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Matayo 25:10

Bwe baaja okugula amafuta abayiiza yaatuuka, era abo abaali beetegeike bangira naye ku mbaga, olwigi lwaigalwa.

Luka 2:10

Aye malaika yaabakoba ati: “Mutatya, mubone eno, mbaleeteire Amawulire Amalungi era agasangaaza eri abantu boonaboona

Luka 22:19

Olwo yaatoola omugaati yeeyanza Katonda, yaagumegulamegulamu, yaabagha ng'akoba ati: “Guno n'omubiri gwange, [ogugheebwayo ku lwaimwe. Kino mukikolanga okundidhukira.”

Yoanne 12:32

Bwe ndighanikibwa okuva ku nsi abantu boonaboona ndibaseesa ye ndi.”

Yoanne 6:44

Ghazira aghanga kwidha ye ndi okutoolaku nga Lata eyantuma n'amutuusiiza ye ndi, era ndimuzuukiza ku lunaku olusembayo.

Ab'Efeso 2:6

Mu Kurisito Yesu, Katonda yatuzuukiza ghalala ni Kurisito oyo, era yaatutyamya mu igulu.

Ab'Efeso 6:24

Enkabi dha Katonda dhibe n'abo boonaboona abagonza Musengwa waife Yesu Kurisito n'okugonza okutakoma.

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!

Abaheburayi 12:1

Kale twena nga bwe tuli n'abadhulizi kamaala batyo abatwezungulwire, tusuule ere kiisi kintu ekituzitoogherera era n'ekibi ekitwesibyeku. Tungire n'obumalirivu mu ntaka edh'okulumuka edhiteereibwagho,

1 Petero 1:8

Waire nga Yesu oyo timumubonangaku, mumugonza, era waire timumubona buti, mumwikiriza era mwasagamba ebitaloodheka.