Olwembo 1:10 - Baibuli Ekibono kya Katonda 2014

¹⁰ Amatama go gaboneka bulungi n'ebyamadholobera ebigalengeedheraku nga biri ku nviiri, ni mu nkoto yo mwabaamu ebinhere ebyakolebwa mu mabaale ag'omughendo.

Olwembo 1:10 ပူးပေါင်းရင်းမြစ်များ

Amainhama 24:22

Engamiya bwe dhaamala okunhwa, omusaadha yaatoolayo empeta eya zaabu ey'omughendo einho, n'obukomo bubiri obwa zaabu obw'omughendo omungi obw'okuvaala ku mikono.

Amainhama 24:47

Naamubuuza nti, ‘Oli mughala w'ani?’ Yairamu ati, ‘Ndi mughala wa Bethueli mutabane wa Nahori ni mukazi we Milika.’ Kale naamuta empeta ku nhindo, n'obukomo ku mikono.

Amainhama 24:53

Agho yaatoolayo ebintu ebyakolebwa mu feeza ni mu zaabu, yaatoolayo n'ebivaalo, yaabigha Rebekka. Era yaagha mwanhina Rebekka ni mukaire we ebirabo eby'omughendo einho.

Amainhama 41:42

Kyabazinga yaatoola ku lwala empeta ye eriku akamanhiso ak'obwakyabazinga, yaagivaaza Yosefu ku lwala. Yaamuvaaza ekivaalo ekighegheevu, era yaamuvaaza mu nkoto omukuufu ogwa zaabu.

Ensambo 1:9

kuba biwoomya empisa dho, ng'oti n'ekitambaala ekidholige eky'oku mutwe n'ebinhere eby'omu nkoto, bwe biwoomya abivaire.

Olwembo 1:11

Twidha kukukolerayo n'ebyamadholobera ebya zaabu, tubidholigedholige ni feeza.

Olwembo 4:9

Mwanhinaze iwe omugole wange, ontwaliriiza omwoyo. Ontwaliriiza omwoyo olw'eriiso ly'oninzeeku, n'olw'ekinhere ekikuli mu nkoto.

Olwembo 5:13

Amatama ge gavaaku akawoowo ng'oti nimiro ya buwoowo bwa mere. Omunwa gwe guli ng'oti bimuli ebyetebwa liri, ebiri kutoonhologoka akawoowo ka mirra.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Okubala 31:50

Era tuleese ekigheebwayo eri Musengwa Katonda nga buli muntu bweyafuna. Tuleese ebintu bya zaabu eby'okwewoomya, ebikomo, empeta edh'oku ngalo n'edh'oku matu n'ebinhere, nga tusaba Musengwa Katonda atutooleku ebibi byaife.”

1 Petero 3:4

Aye bubenga mu mwoyo munda, n'omube mube eky'omughendo ekitayonooneka eky'obuwombeefu n'emiraala. Bino bya mughendo inho mu maiso ga Katonda.