Okwolekebwa 9:8 - Baibuli Ekibono kya Katonda 2014

⁸ Obuviiri bwadho nga buli ng'oti nviiri dha bakazi, amaino nga gali ng'oti ga mpologoma.

Okwolekebwa 9:8 ပူးပေါင်းရင်းမြစ်များ

Yoeli 1:6

Eigye ery'enzige lirumbye ensi yaife. Dhiri kamaala inho edhitabalika era nga dha maani. Amaino gaadho masongovu era moogi ng'oti ga mpologoma.

1 Petero 3:3

Obulungi bwaimwe bulobe kubanga ku bya ku ngulu, nga mulanga enviiri, nga mwetimbatimba ebya zaabu, n'okuvaala ebivaalo ebyamadholobera.

1 Timotheo 2:9

Era nhenda abakazi bavaalenga ebivaalo ebigwaniire, balobe kwemalira ku misono gya nviiri, na ku kwewoomya nga bavaala ebya zaabu oba amabaale ag'omughendo, oba ebivaalo eby'omughendo einho.

Isaia 3:24

Mu kifo eky'okuwunha akawoowo, baliwunha kivundu; mu kifo eky'okwesiba ensibiro, balyesiba migugha; mu kifo eky'okuba n'enviiri ensunsule obukalamu, baliba na mpaata; mu kifo eky'okuvaala engoye enungi, balivaala kutiya; era obulungi bwaibwe bulifuukamu nsoni.

Zabbuli 57:4

Buti ndi ghagati mu mpologoma edhikankamira abantu, edhiri n'amaino ng'oti mafumo na bulaso, edhiri n'enimi endhogi ng'oti mpiima.

2 Bakyabazinga 9:30

Agho Yehu yatuuka mu Yezireeli. Yezebeli yaategeera ebibairegho, yeetonatona amaiso era yaawoomya enviiri ku mutwe gwe, yaalingirira kuliya ng'ali mu idinisa.

Ab'e Roma 9:29

Kiri nga Isaia bwe yalanga ati: “Nguli Musengwa Afuga Amagye tiyatulekeragho izaire, twandibaire ng'oti n'ab'e Sodoma, era twafaanana ng'oti n'ab'e Gomorra.”