Okwolekebwa 9:7 - Baibuli Ekibono kya Katonda 2014

⁷ Mu mboneka, enzige dhaali ng'oti n'embalaasi edhitegekeibwa okuja mu lutalo. Ku mitwe gyadho nga kuliku ebyaboneka ng'oti ngule dha zaabu mu maiso nga dhiboneka ng'oti bantu.

Okwolekebwa 9:7 ပူးပေါင်းရင်းမြစ်များ

Danieli 7:8

Nali nkeerolera amayiga ago, okuja okulinga nti nga mbona akayiga akatono nga kali kukukunuka okuva mu ago eikumi. Era kaamala kaighagho amayiga asatu ku ago eikumi agaasookagho. Akayiga ako kaaliku amaiso ng'oti ga muntu, era kaabaaku n'omunwa nga guli kwogera eby'okwesuutasuuta.

Nahumu 3:17

Abakungu baimwe bali kamaala ng'oti n'enzige bwe dhiba enhingi einho. Bwe kuba okwinhogovu dhiba ku nkomera, aye endhuba bw'evaayo ni kusuughaku, dhiguluka dhaabulagho nga ghazira n'asobola kumanha ghe dhijiire.

Danieli 7:4

Ekyasooka nga kiri ng'oti mpologoma, aye nga kiri n'amaghagha ng'oti ga nkookooma. Bwe nali nga nkaalingiriire, baakimaanhuulaku amaghagha. Baamala baakisitusa, baakyemereza ku magulu abiri ng'oti muntu, era baakigha okulowooza ng'oti kwa muntu.

Okwolekebwa 6:2

Naja okulinga nti, nga mbona embalaasi endheru. Eyali ali kugivuga ng'ali n'akalaso. Yaagheebwa engule aje ng'aghangula, era aghangule.

Okwolekebwa 9:3

Mu mwosi omwo mwavaamu enzige, dheeyugha ku nsi era dhaagheebwa obukumu ng'oti n'obwa siga ow'oku nsi.